Larunbata, 2013-05-25

Etiketen Fitxategia | txapelketa

Telleriak eta Aiestaranek irabazi dute Astigarretako mus txapelketa

By on 2011/04/04 in Aisia, Bestelakoak, Gizartea, Kultura

Florencio Telleriak eta Juan Migel Aiestaranek irabazi dute Beasaingo Astigarreta auzoko mus txapelketa. Guztira zortzi bikotek parte hartu dute aurten. Bigarren sailkatu den bikotea Asensio Mintegik eta Gregorio Lizarraldek osatutakoa izan da eta hir…

Murumendi pilota eskolaren aldeko jaialdia egingo dute hilaren 25ean

By on 2011/03/18 in Kirola

Beasaingo Kirol Fundazioak, udalak eta Murumendi pilota eskolak, pilotaren inguruko hainbat ekimen antolatu dituzte datozen asteetarako. Batetik, esku pilota jaialdia egingo dute hilaren 25ean; promesa mailako binakako txapelketako partidak jokatuko dituzte. Bestetik, Beasaingo pilota txapelketa herrikoia antolatu dute, bigarren urtez. Kanporaketak apirilean hasiko dira eta datorren astetik aurrera eman ahal izango da izena. Pilota jaialdia, Beasaingo Antzizar kiroldegian jokatuko dute, bihar zortzi, 20:00etan. Batetik, binakako promozioko txapelketako finalaurrekoak jokatuko dituzte. Bikoteetako bat, Asegarceri dagokiona, erabakita dago jada; Olaetxeak eta Jon Ander Albisu ataundarrak jokatuko dute. Aspeko bikotea zein izango den berriz, asteburu honetako kanporaketaren ondoren erabakiko da. Partida horren aurretik, jaialdiari hasiera emateko, Mendizabal eta Leiza ariko dira 4 t’erdian, buruz buru. Jaialdi honek bi helburu ditu, “herritarrei pilota ikuskizun on bat eskaintzea eta bide batez, Murumendi pilota eskola laguntzea”. Hala, sarreretatik ateratako dirua, eskolari emango diote. Ekimen hori, Kirolaren Udal Fundazioak eta Murumendi pilota eskolak sinatu duten lankidetza hitzarmenaren testuinguruan kokatu du Julene Hidalgok. Hitzarmen horren helburu nagusia “herriko pilota bultzatzea” dela azaldu du. Bestalde, datorren asteburuko jaialdia bultzatzeko “200 gonbidapen” banatuko dituztela jakinarazi du. Zaleek, Antzizar kiroldegian eskatu ahal izango dituzte gonbidapen horiek. Jon Alkaiagak azaldu duenez, “historikoki pilotak zaletasun handia izan du Beasainen”. Horren adibide, herriko pilotalekuak [...]

Pepe Caballerok eta Juan Tolosak irabazi dute Arranoko mus txapelketa

By on 2011/03/14 in Aisia, Bestelakoak, Gizartea, Kultura

Pepe Caballero eta Juan Tolosa ordiziarrek irabazi dute Arrano Kultur Elkarteak antolatutako 21. mus txapelketa. 83 bikotek parte hartu dute aurten txapelketan eta bigarren postuan Javier Diaz eta Aitor Diaz anaia legorretarrak sailkatu dira.
Antolatz…

Bihar izango da Arrano elkarteko mus txapelketa

By on 2011/03/11 in Aisia, Gizartea, Kultura

Bihar arratsaldean jokatuko da Arrano Kultur Elkarteak antolatutako mus txapelketa. Elkarteak antolatzen duen 21. txapelketa izango da aurtengoa eta, beti bezala, San Martin plaza azpian jokatuko da. 16:30ean hasiko da txapelketa eta bikoteek ordu b…

Goierriko zazpi bikote sailkatu dira Euskal Herriko Mus Txapelketaren finalerako

By on 2011/02/26 in Aisia, Gizartea

Gaur ari dira jokatzen Euskal Herriko Mus Txapelketaren Gipuzkoako kanporaketa Seguran. Dagoeneko final erdietan ari dira, eta gauerako jakingo da Gipuzkoako bikote irabazlea zein izan den. Hala ere, dagoeneko jakinarazi dute zein bikote pasako diren Euskal Herriko Txapelketaren finalera. Gipuzkoatik 32 bikote izango dira; hauetako zazpi dira Goierrikoak: Joxe Mari Goikoetxea eta Inazio Dorronsoro (ATAUN) Iban Goikoetxea eta Unai Munduate (ATAUN) Haritz Segurola eta Luis Ibarguren (LEGAZPI) Jose Arotzena eta Bixente Apalategi (MUTILOA) Beñat Elortza eta Iñaki Andia (SEGURA) Jesus Mari Lasa eta Jokin Antoñana (URRETXU) Juan Jose Iturriotz eta Urtzi Garmendia (ZALDIBIA) Euskal Herriko Mus Txapelketaren finala martxoaen 12an jokatuko dute, Urruñako (Lapurdi) Sokoa auzoan dagoen pilotalekuan. Denera, Euskal Herri osoko 2.200 bikotek parte hartu dute txapelketa honetan, eta horietako 128k jokatuko dute finala.

Carrion eta Diez txapeldunak

By on 2011/02/16 in Aisia, Gizartea, Kultura

Argi Berri elkarteko 34. Mus Txapelketa Azkarra Antonio Carrion eta Manuel Diez donostiarrek irabazi zuten joan den larunbatean. Antolatzaileen arabera, Antonio Carrionek janzten duen hirugarren txapela da aurtengoa. Bigarren Errezilgo Koldo Galarraga eta Mikel Zugasti geratu ziren eta hirugarren Uztegiko (Nafarroa) Juan Barrenetxeak eta Antonio Larrazak egin zuten. Lehen hiru sariak beraz, Goierritik kanpora joan ziren. Herriko lehen bikotearen saria Javier eta German Garciak eskuratu zuten. Jose Antonio Mugikak eta Ramon Arandiak etxeratu zuten elkarteko lehen bikotearen saria eta lehen emakumearentzako saria berriz, Zarauzko Leirek eta Arkaitzek osatutako bikoteak eraman zuen. Arratsaldean, 16:30etik aurrera ekin zioten norgehiagokari Argi Berri elkartean eta Urdaneta ikastetxearen geletan. Guztira 114 bikote aritu ziren nor baino nor. Argi Berriko kideek aipatu dutenez, iaz baino muslari gutxiago izan ziren txapelketan –iaz 21 bikote gehiagok parte hartu zuten–, “ziur asko krisiaren eraginez, baina hala ere, kopuru altua da” eta horrenbestez, gustura daude jasotako erantzunarekin. Urtero bezala, leku askotako bikoteak bildu zituen Argi Berriko txapelketak. Aitor Calvillo elkarteko kideak jakitera eman duenez, Euskal Herriko 36 herritatik gerturatu ziren muslariak. Horietatik gehienak gipuzkoarrak ziren, besteak beste, Ordizia, Beasain, Lazkao, Zaldibia, Zumarraga, Zegama, Urretxu, Ormaiztegi, Olaberria, Zaldibia, Idiazabal, Tolosa, Bergara, Azpeitia, Zarautz, Deba eta Ibarrakoak. Baina jokalarien artean bazeuden Sakana [...]

Argi Berri elkarteko mus txapelketan 115 bikote

By on 2011/02/12 in Aisia, Gizartea, Kultura, Leihaketak

Ordiziako Buztuntza auzoko Argi Berri elkarteak 115 bikote bildu ditu 34. mus txapelketan. 16:30ean hasi dira muslariak jokoan elkartean parean dagoen Urdaneta ikastetxearen gelatan, eta 17:30erako bi partida irabazitako bikoteak baziren. Giro onean eta inolako arazorik gabe doa txapelketa. Bikote kopuruari dagokionez, Argi Berri elkartekoek nabarmendu dute iaz baino gutxiago izan direla, eta besteak beste, krisiaren eraginez izan daitekeela. Iaz 20 bikote gehiago izan ziren, 135 guztira. Leku askotan muslariak bildu ditu Argi Berriko txapelketak. Goierrikoen artean, Ordiziako bikoteak 35 izan dira, Beasaingoak zazpi, Lazkaokoak sei, Zaldibiakoak 4, Zumarragakoak 4, Zegamakoak 3, Ormaiztegikoak3, Itsasondokoak bi, eta Idiazabaldik, Olaberritik eta Urretxutik bikote bana joan da musera. Eskualdetik kanpokoen arten, Tolosako bost bikotek eman dute izena, Bergarako lauk eta Altsasuko bik. Donostiatik, Leitzatik, Zarauztik, Debatik, Nafarroako Araitz bailaratik, Azpeititik eta Errenteriarik ere hurbildu dira muslariak Ordiziara. Txapelketa 22:00ak aldera bukatuko dela aurreikusi dute antolatzaileek. Antxumeen eta arkumeen zozketak Urtero bezala, aurten ere atera dituzte bosna antxume eta arkume zozkatzeko errifak. Zenbaki sarituak hauek izan dira: Antxumeenak (5469, 5348, 5061, 3716 eta 5466) eta arkumeenak (1228, 2213, 4511, 4233 eta 4968).

Larunbatean jokatuko da Argi Berri elkartearen 34. mus txapelketa

By on 2011/02/10 in Aisia, Gizartea

Mus txapelketa azkarren garaiari larunbatean emango diote hasiera Ordiziako Argi Berri elkartean. Buztuntza auzoko elkarteak 34. aldiz antolatu du txapelketa, eta urtero bezala, parte hartzaile asko biltzea espero dute –iaz 135 bikote elkartu ziren–. Txapelketa 16:30ean hasiko bada ere, 16:15erako eman behar dute izena muslari bikoteek, 40 euro ordainduz. Aparkalekua jarriko dute antolatzaileek. Argi Berriko txapelketan lau erregera jokatzen da, eta sei hamarrekoko hiru ustelera. Sor daitekeen edozein arazoren aurrean, epaileen erabakitakoa bete beharko dute muslariek. Sari bikainak aurten ere Sari mardulak daude jokoan. Irabazleek 1.500 euro eta txapelak jasoko dituzte; bigarrenek 800 euro; hirugarrenek 400 eta laugarrenek 200. Bosgarren eta seigarrenek arkume bana eta bina txuleta jasoko dituzte, eta zazpigarren eta zortzigarrenek launa afari. Horrez gain, herriko lehen bikoteak bi txuleta irabaziko ditu, elkarteko lehen bikote bi txuleta eta bi botila ardo, eta emakumeen lehen bikoteak ere saria izango du.

Lazkaoko mus masterra ostiralean hasiko da

By on 2011/02/03 in Aisia, Gizartea, Leihaketak

Ostiralean, otsailak 4, hasiko da Lazkaon lehenbiziko mus masterra. Heren tabernan jokatuko dira partidak, eta izena 22:00ak arte eman daiteke. Bikoteko 20 euro ordaindu behar da. Aldiko 15 bikote baino gehiago badira bikote irabazlea master finalera j…

Otsailaren 12an jokatuko da Argi Berriko mus txapelketa

By on 2011/01/27 in Aisia, Bestelakoak, Gizartea, Kultura

Datorren otsailaren 12an jokatuko Ordiziako Argi Berri elkarteak antolatzen duen mus txapelketa. Muslari bikote gehien biltzen duen txapelketak (iaz 135 izan ziren) 34. ekitaldia du aurten, eta aurreko urteetan adina muslari biltzea espero dute aurten ere. Txapelketa lau erregera, sei hamarrekora eta hiru ustelera izango da, eta bikoteak 40 euro ordaindu beharko ditu jokatzeko. Txapelketa 16:30ean hasiko da, eta antolatzaileek gogoratu dute aparkalekuak prestatuko dituztela musean jokatzera gerturatzen direnentzat. Sari bikainak Sari bikainak daude aurten ere; bikote irabazleak 1.500 euro eta txapelak jasoko ditu, bigarrenak 800, hirugarrenak 400 eta laugarrenak 200. Bosgarren eta seigarren sailkatuek arkume bana eta bina txuleta jasoko dituzte saritzat, zazpigarrenek lau afaria Gaintzako Oteñe erretegian eta zortzigarrenak beste lau afarian Ikaztegietako Begiristain sagardotegian. Antolatzaileek gogoratu dute salgai daudela dagoeneko bosna antxume eta arkume zozkatzeko errifak.