Osteguna, 2013-05-23

Etiketen Fitxategia | mendia

Ataunen mendiko txartela ateratzeko azken eguna gaurkoa da

By on 2012/12/18 in Gizartea, Kirola

Ataun Kirol Elkarteak atzo eta gaur jarri du mendiko federatu txartelak ateratzeko aukera. Gaur, 18:00etatik 20:00etara Aizkoate elkartera joan behar dute mendizaleek, 2013ko karneta berritzeko eta lehen aldiz ateratzeko.

Mendizale agiria berritu ahalko da Lazkaon

By on 2012/12/13 in Gizartea, Kirola

Lazkaoko Amalur mendi elkarteak mendizaleen federatu txartela berritzeko egunak izendatu ditu. Abenduaren 21era arte atera ahalko da 2013ko txartela, Domarda elkarte alboko bulegoan, 19:00etatik 21:00etara.

Lizarrustiko parketxea jai egunetan irekiko dute abenduan

By on 2012/12/06 in Ekonomia, Gizartea

Aralar parke naturaleko bi parketxeetako ordutegia aldatu egin dute, abenduaren lehenetik. Abenduan zehar igande eta jai egunetan soilik irekiko dute Lizarrustiko parketxea, 11:00etatik 14:30era. Gaur eta bihar ere (abenduak 6 eta 7) zabalduko dute. Ur…

Euskararen Egunean, mendira txangoa

By on 2012/12/05 in Gizartea

Legorretan igandean ospatu zuten Euskararen Eguna, tartean mendi buelta eginez. 30 bat lagun joan ziren, Legorreta Zaharretik gora Burnikurutzetara, eta Koatetik barrena jaitsi ziren plazara. Hamaiketakoa plazan egin zuten gero, inguratu zen jende gehiagorekin. ‘Euskaraz bizi n ahi dut’ bandera ugari saldu ziren, bien bitartean. Giro “polita” sortu zen. Tabernetan euskaraz eskatu zuenari bonboi bana eman zioten.

Zaldibian Igirua aldeko herri mendia garbituko dute

By on 2012/11/22 in Ekonomia, Gizartea

Zaldibiako herriaren jabetzakoak diren Igiruako mendi belardiak garbitzeko ekimena hartu du udalak. Gaztelu mendiaren inguruko parajeetan, herri belardiak «aspaldian» oteak eta sasiak hartuta daudela eta, ganadua erabiliz garbituko dituzte, «erabiltzaileekin adostu ondoren». Ganadua eremu jakinetan erabiltzeko, aurrez hesitu egingo dute. Piketeak eta hesolak sartzen hasiak dira. Gipuzkoako Foru Aldundiaren laguntzarekin egingo dira itxiturak. «Zaldibiako herri mendian zikinduta zegoen lur sail handi bat garbi mantentzeko, ganaduzaleen laguntzarekin ganadu larria bertan egokitzea da asmoa, ote puntak eta gainerakoa jan dezaten», azaldu du udalak. Udalaren Ingurumen Batzordea eta ganaduzaleak ados ipini, eta hesiaren xehetasunak elkarrekin zehaztu zituzten. Aldundiak tokian bertan egin zuen eskuzko lehen xehaketa, eta egunotan hesitze lanak burutzen hasi dira.

Lazkaoko mendizaleek zapaldu dute elur berria

By on 2012/11/02 in Gizartea

Lazkaoko mendizaleek Urbasa-Andia mendizerrako (Nafarroa) Bargamendin zapaldu dute aurtengo udazkeneko lehenengo elurra —argazkian—. San Benito ikastolak eta Amalur elkarteak antolatutako irteera hori igandean egin zuten.

Igandean egingo dute bertan behera gelditu zen Santa Barbarako irteera

By on 2012/10/25 in Kirola

Beasaingo Aizkorri mendizale elkarteak pasa den astebururako antolatu zuen Santa Barbara eta Irimo inguruetara joateko mendi irteera. Eguraldi txarra zela medio, ordea, bertan behera utzi behar izan zuten. Hala, irteera igande honetan egingo dute. Parte hartu nahi dutenek, bihar, ostirala, 20:00etan, elkartearen egoitzan egingo duten joan behar dute, izena emateko.

Atzo Aratzen galdutako 28 urteko mutila onik aurkitu dute gauerdian

By on 2012/10/24 in Bestelakoak

Herrizaingo Sailak jakitera eman duenez, atzo arratsaldean Aratzen galdu zen 28 urteko gaztea onik aurkitu dute. Atzo gaueko 21:45ean mutilaren familiakoek SOS Deiakera deitu zuten, semeak orientazioa galdu eta bidea aurkitu ezinik zebilela azalduz. Mu…

Arrastaka taldekoek Palentziako mendietara egingo dute irteera

By on 2012/10/23 in Kirola

Asteburuko jai egunak aprobetxatuz, Arrastaka mendi taldeak lau eguneko mendi irteera antolatu du. Palentziako (Espainia) Fuentes Carrionas mendietara joango dira, bihartik igandera bitartean. Palentzia iparraldean dauden mendiak dira, eta Leonekin eta Cantabriarekin muga egiten dute. Ostegunean abiatu eta gero, ostiral goizean egingo dute lehen irteera. Curavacas (2.524 metro) gailurrera igoko dira. Arrastaka taldekoen esanetan, «mendi deigarria eta ederra» da. Biharamunean, «kareharri zurizko hegal dotoreak» dituen Espigüete (2.450 m.) mendira joango dira. Bilera, gaur arratsaldean Irteera horretan parte hartu nahi duten mendizaleek, gaur arratsaldean egingo duten bilerara agertu behar dute. 19:00etan elkartuko dira, Arrastaka taldeak Iturriotz kalean duen lokalean. Informazio gehiago nahi duenak, Arrastakaren webgunea bisitatu edo 646 855 620 telefono zenbakira deitu dezake. Irteeran parte hartzeko derrigorrezkoa da federatu txartela izatea

Itsasondoko mendi bizikleta zeharkaldia bihar, Burnikurutzetan eta Pagorriagan barrena

By on 2012/10/19 in Ekitaldiak, Kirola

Itsasondoko Ijitu kirol elkarteak antolatuta, 15. Mendiko Bizikleta Zeharkaldia jokatuko da, bihar, 16:00etan hasita, txirrindulari zaletuentzat. Burnikurutzeta mendia (503 m) eta Pagorriaga parajea (Beasain) igaroko dituzte, 30  kilometro luzeko ibil…