Asteazkena, 2013-05-22

Etiketen Fitxategia | goierri

Orklin ekoitzitako gaien erakusketa Lazkaon jarriko dute gaur

By on 2013/05/07 in Ekonomia, Erakusketak, Gizartea, Lazkaoko laburrak

Lemniskata Goierriko zientzia sareak Ordiziako Orkli kooperatibari eskainitako erakusketa ibiltaria Lazkaon edukiko du, aste honetan. Gaurtik ostiralera, 17:00etatik 19:00etara ikusi ahalko da, kultur etxeko erakusketa aretoan. Orklin ekoitzitako gaiak egongo dira, eguzki plaketatik balbula aukeretara.

‘Gazta zati bat’ filma Madrilen eman dute, «arrakastaz»

By on 2013/04/03 in Gizartea, Ikus-entzunezkoak

Nazioen Mundua mugimenduak bultzatu eta Jon Maiak zuzendutako Gazta zati bat film dokumentala Madrilen eman dute. Matadero Zinetekan izan zen emanaldia, aurreko asteartean, martxoak 26. Han bizi den Aitor Merino aktore euskalduna izan da bideratzaile, kide den Euskal Herriarekiko Elkartasun Taldeak antolatu duelako saioa. Emanaldia «oso arrakastatsua» izan zela baloratu du Nazioen Munduak. Zinema-aretoa 175 [...]

Korrika iritsi da Goierrira

By on 2013/03/14 in Korrika 18


Korrika iritsi da Goierrira eta eskualdea zeharkatzen ari da. Gauez eta euripean iritsi bada ere, jende askok eman dio babesa euskararen aldeko lasterketa erraldoiari. Iluntze partean sartu da Korrika Goierrin, Legorretatik. Itsasondo pasata, Ordiziara iritsi da gero, eta handik Zaldibiara. Lazkaomendiko maldak pasata, Lazkaoko herrigunean sartu da 21:45 inguruan, hamar bat minutuko atzerapenarekin. Handik, Olaberria aldera egin du, eta Ihurretik barrena, Beasain, Ormaiztegi, Mutiloa, Zerain eta Segura zeharkatuko ditu; Zegamatik pasa ondoren, Nafarroa aldera joango da Korrika. Goierri Garaiko herriak berriz, datorren asteazkenetik ostegunerako goizaldean pasako ditu.

Carlos Castañok eta Garikoitz Garmendiak irabazi dute Korrikako eskualdeko mus txapelketa

By on 2013/03/02 in Bestelakoak, Korrika 18, Kultura

Carlos Castaño eta Garikoitz Garmendia ordiziarrek irabazi dute Legorretako Aldapa Haundi elkartean jokatu den Korrikaren aldeko Gipuzkoako II. Mus Txapelketako Goierri mailako finala. Arama ordezkatu dute Castañok eta Garmendiak finalean, eta haiekin batera aritu dira azken partidan Iñaki Gerrero eta Urtzi Larrea legorretarrak. Castaño eta Garmendia hilaren 16an Andoainen jokatuko den Gipuzkoako finalean arituko dira. Gaurko [...]

Otsaileko bigarren elurteak ere ia Goierri osoa zuritu du

By on 2013/02/25 in Gizartea, Hara!

Hasi dira Goierriko txokoak zuritzen

By on 2013/02/23 in Bestelakoak

Iragarpenak betetzen ari dira, eta hasi dira Goierriko txokoak zuritzen. Goizean eskualdeko hainbat herritan elur pixka bat pilatu da, baina eguerdirako herrigune gehienetan desagertu egin da. Arratsaldean, ordea, 17:00ak ingururako hasi du elurra eta berriro zuritzen hasi da Goierri. Euskalmeten iragarpenen arabera ondorengo orduetan egingo du elur gehien eta elur-zaparradak ere sarriagoak izango dira. Giroak [...]

Korrika gauez iritsiko da Goierrira

By on 2013/02/06 in Korrika 18, Kultura

Korrika badator. Bost aste besterik ez dira falta euskararen aldeko lasterketa erraldoia hasteko. Andoaindik abiatuko da 18. edizioa, martxoaren 14an, eta hilaren 24an bukatu, Baionan. Goierritik bi aldiz pasako da ibilbidea; bietan ere, gauez. Aurreneko egunean Goierriko 13 herri pasako ditu; Goierri Garaitik, ordea, martxoaren 21ean pasako da. Eman euskara elkarri da aurtengo edizioaren leloa. [...]

Mendijurren omenezko txirrindulari proba jokatu da Urretxun

By on 2012/09/29 in Kirola

Amelio Mendijur txirrindulariaren omenezko proba jokatu dute arratsaldean Urretxun. Jubenil mailako txirrindularien proba izan da, eta lasterketa antolatzen duten 31. aldia izan da aurtengoa. Eitzagako aldapan zendu zen Mendijur txirrindulari gaztea 60. hamarkadan, eta Goierri Txirrindulari Elkarteak haren omenezko proba antolatu izan du azken urteetan. Mito bilakatu zen Amelio Mendijur, eta urretxuar eta zumarragar askoren [...]

Nazioen Munduaren aurtengo festa “handia” Lazkaon izango da, ekainaren 9an

By on 2012/05/16 in Ekitaldiak, Festak, Gizartea, Politika

Autodeterminazio eskubidearen aldeko Goierriko Nazioen Mundua herri ekimenak Lazkaon egingo du aurten “festa erraldoia”, Gure esku dago lelopean. Ekainaren 9an izango da, larunbatarekin, eta egun osoko egitaraua prestatu dute. Festa eta aldarrikapena “naturaltasunez” uztartu nahi dute, ekimenak lanean daraman lau urteko ibilian bezala “pentsaera, izaera eta ideologia ezberdineko jendea” elkartuta. Goierritar eta euskaldun guztiei egin diete gonbidapena jaialdian parte har dezaten. Festaren aurkezpena atzo arratsaldean egin zuten, Lazkaoko plazan. Nazioen Munduko Urko Ruiz de Apodakarekin batera Joxe Mari Agirretxe Porrotx pailazoa agertu zen, eta “mundua puzzle handi bat” dela eta “zati askotakoa eta koloretsua” izatea nahi duela adierazi zuen. Ordiziako errugbi taldeko hainbat jokalari ere bertan izan ziren, Axio Araña entrenatzailea eta Joanes Aierbe kapitaina tartean; baita Gipuzkoako bertsolari txapeldun Aitor Sarriegi ere. Lazkaoko eta eskualdeko bizilagun multzo bat ere elkartu zen. Bestetik, Porrotxen presentziak haur ugari erakarri zuen prentsaurrekora. Ekainaren 9ko festan ekitaldi “izarra” flashmob deritzon dantza-koreografia izango da. Egun horretan, 18:00etan, 500 lagun edo gehiago elkartzea lortu nahi dute, Eskuetan abestiaren doinura (Xabier Zabalak musikatua eta Jon Maiak hitzak jarria) dantza egiteko. Grabatu egingo dute dantzaldi jendetsua, “gero Euskal Herriko gainontzeko herrietan eredu edo adibide izateko”. Flashmoba prestatzen aurrez hasiko dira. Larunbat honetan, maiatzak 19, entsegu orokorra egingo [...]

Ate irekien saioa egingo dute bihar Goierri Eskolan

By on 2012/05/11 in Sailkatugabeak

Goierri Eskolak atera irekien jardunaldia egingo du bihar Goierri Berrikuntza Guneko instalazioetan. Iñaki Zabalo zuzendariak egingo die harrera ikasle eta gurasoei 10:30ean, eta instalazioen eta formazio eskaintzaren berri eman ondoren, Ikaslanen egoitza ikustera jaitsiko dira. Eskolako kafetegian egingo den hamaiketako batekin bukatuko da bisitaldia.