Ostirala, 2013-05-24

Etiketen Fitxategia | emaitzak

Legazpiko galdeketan 3.628 lagunek eman dute boza, %97k atez atekoaren kontra

By on 2013/04/21 in Gizartea, Hondakinak

Legazpiko Atez Atekoaren Kontrako Plataformak deitua, 3.628 lagunek parte hartu dute, atzo eta gaur, hondakin sistemaren inguruan antolatutako galdeketan. Horrenbestez, Legazpiko zentzoaren erdiak (%50,6) eman du boza. Horietatik gehiengo nabarmena 5. edukiontziaren aldekoa izan da, %97,72 (3.599). Aldeko botoak ere izan dira, 61 guztira (%1,66), eta baliogabeak 23 (%0,62). Atzo zabaldu zituzten hautes kutxak herriko [...]

Lazkaok bi eta Idiazabalek txapela bat lortu dituzte eskola-umeen pilota lehiaketan

By on 2012/06/27 in Kirola

Lapke pilota elkarteak seigarren aldiz antolatu duen eskola-umeen pilota txapelketa larunbatean bukatu zen, Lazkaon jokatu ziren hiru finalekin. Laurogei bat ikusleren aurrean, hiru urtetako haurrek jokatu zuten. Lazkaok bi txapela lortu ditu, Idiazabalek bat. Lehenik 2003an jaiotakoen finala izan zen, plazako frontoian. Idiazabal-3 taldeko Mintegi, San Pedro eta Urrestarazu nagusitu ziren (0-2) Lazkaoko Meliz eta Ruiz de Larramendiren aurka. Bigarren partidan, 2002koenean, Lazkao-2k (Larrañaga, Arnaz eta Garmendia) bi partidak irabazi zizkien Beasain-2ri (Turrientes, Imaz eta Enbil). Azkenik, larrienen multzoan, 2001ean jaiotakoenean, Lazkao-1 taldeak (Garmendia, Pajares eta Lasa) Ataun (Apalategi, Etxeberria eta Senar) izan zuen aurkari. Lazkaotarrek 2 eta 0 irabazi zuten, txapelketako bigarren txapela eskuratzeko. «Nahiz eta lehenengo jokoa lazkaotarrek nahiko erraz irabazi, bigarrenean tanto luzeak eta borrokatuak izan ziren, eta ez zen garbi ikusten jokoa zer aldetara eroriko zen. Azkenean, zorte pixka batekin eta arriskatuz, Lazkaoko pilotariek eraman zuten jokoa eta partida», azaldu dute Lapketik. Zortzi larunbatetan partidak Goierri beheko zortzi herritako neska-mutikoak izan dira partaide lehiaketan, denera 75 lagun eta 25 talde. Sailkatze fasea Ataunen, Ordizian, Idiazabalen, Seguran eta Zaldibian lehiatu zuten, maiatzaren 5ean hasita. Zegaman eta Beasainen jokatu dituzte finalaurrekoak, eta azkenak Lazkaon. Finaleko neurketak bukatutakoan eta sariak banatutakoan, Lazkaon bertan askaria egin zuten neska-mutikoek, Maizpi elkartean. [...]

Jose Javier Cuadrado eta Izaro Rubio garaile Legorretako herri krosean

By on 2012/06/13 in Kirola

Jose Javier Cuadrado Karratu eta Izaro Rubio korrikalari ordiziarrak izan ziren irabazle, larunbatean, Legorretako 34. Herri Krosean. Aurreko urteetako partaidetza gainditu du probak; helduen lasterketan 171 atletak parte hartu zuten, herriguneko 7,5 kilometro luzeko ibilbidean, 147 gizonezko eta 24 emakume. Zaldibian bizi den Cuadradok 24:25 minutuko denboran osatu zuen proba. Rubiok 29:01 minutuan bukatu zuen. Denbora markek, beraz, Hossain Kaanacheren (23:29) eta Ainhoa Sanz urretxuarraren (27:26) esku segitzen dute. Haurren krosean, kimuetan Urko Garmendiak irabazi zuen, haurretan Adrian Pajaresek eta June Alustizak, eta kadeteetan Mikel Felipek. Sailkapen osoa, www.herrikrossa.com webgunean dago.

Ander Iturriotz: «Lehenbizikoz, abertzaleek irabazi dute, alde guztietatik, gainera»

By on 2011/11/22 in Hauteskundeak, Politika

Hauteskundeen biharamunean lanpetuta ibili ohi da Ander Iturriotz (Ordizia, 1961) soziologoa, komunikabide baterako eta besterako kolaborazioak prestatzen. Emaitza orokorrak aztertzeaz gainera, abertzaleen arteko lehia eta parte hartzearen igoera izan ditu hizpide. Espainiako hauteskundeen utzi duten irudi nagusia, PPren gehiengo osoa eta PSOEren porrota da, ezta? Bai. Hauek izango ziren, seguruenera, Espainian trantsizio garaitik eskuinak izan [...]

Goierrin Amaiurrek irabazi du 21 herritan, Zumarragan berriz, PSE-EEk

By on 2011/11/21 in Hauteskundeak, Politika

Alderdi Popularrak gehiengo osoz irabazi ditu Espainiako Gorteetarako hauteskundeak; Euskal Herrian eta Goierrin, ordea, oso bestelakoak izan dira emaitzak. Goierrin 36.636 lagunek eman zuten atzo botoa, eta Amaiur koalizioa izan da babesik handiena jaso duena. Eskualde osoan, 14.824 boto jaso ditu; bigarren alderdirik bozkatuena EAJ izan da, 9.269 botorekin; haien atzetik gelditu dira PSE-EE (6.817), [...]