Igandea, 2013-05-19

Etiketen Fitxategia | bildu

Koldo Agirre: «Ahalik eta alderdi gehienekin, ahalik eta gertutasun gehiena nahi dugu»

By on 2011/07/14 in Gizartea, Politika

Bere egunerokotasuna kirolari lotuta egotetik, politikara lotuta egotera igaro da. Izan ere, Bilduko hautagaia Beasaingo alkate izendatu zutenetik Koldo Agirreren (Beasain, 1985) eguneroko lanak aldatu egin dira; baina lan berrian ere, «ilusioz eta aurrera egiteko gogoz» dago. Hilabete igaro da alkate izendatu zintuztenetik. Nola joan dira lau aste hauek? Poliki politiki lan berrira ohitzen ari naiz. Teknikariekin bildu, udala nola dagoen ikusi, presazko gaiak aurrera atera… Politikariak aldatzen gara udaletxean, baina teknikariak ez, eta bertan dagoen lana aurrera atera behar da. Orain arte lehenengo osoko bilkurari begira aritu gara lanean, eta orain herri mailan hasi beharko dugu. Alkate izendatu zintuzten egunean bertan hasi behar izan zenuen lanean, herriko festetan. Sari banaketak, ezkontzak, aurkezpenak… egin ditut, eta uda garaia izanda, ekintza ezberdin asko dago, San Joan dela, Arriarango festak… Ekintza horietan guztietan bakoitzari dagokion presentzia ematen saiatu gara. Nola ikusten zara lanpostu berrian? Lan berri bat da, eta erantzukizun handia eskatzen duena. Egunerokotasuna aldatzen da, baina taldekoen eta udaletxeko teknikarien laguntzak, eta kalean jasotako animoek, aurrera egiteko indarra ematen dute. Momentuz behintzat, ilusioz eta aurrera egiteko gogoz nago. Herritarrak udalera gerturatzeko beharra azpimarratu duzue. Hasi al zarete aldaketarik nabaritzen? Horrek luze joko du, baina lehen pausoak ematen hasi gara. Osoko bilkurak [...]

Udal kudeaketan elkarrekin aritzea adostu dute Bilduk eta Aralarrek

By on 2011/07/07 in Gizartea, Politika

Maiatzaren 22an egindako hauskundeetako emaitzak kontuan hartuta, Bildu koalizioak eta Aralar alderdiak udal kuadeketan elkarrekin aritzeko erabakia hartu dute. Bi aldeen helburuak eta nahiak kontuan hartuta, ikuspegi desberdinak baino gehiago dira elkartzen dituztenak, bi alderdietako ordezkariek adierazi dutenez. Helburu horien alde egiteko sinatu dute akordioa, alkatea izendatzeko egindako osoko bilkurarako hartutako konpromisoari jarraipena emanez. Bilduko Koldo Agirre alkateak azaldu duenez, «indar politikoen ahalik eta inplikazio zabalena lortzea da hitzarmen honen helburua». Orain arte sentsibilitate ezberdinen artean eman diren gatazkak baretzeko, «urrats berriak» emateko asmoa dute, eta horretarako «elkarrizketa politikoa indar politiko guztien artean» zabalduko dute. Akordio honen «bizkar hezurra, elkarrizketa, pertsona ezberdinen arteko errespetua eta elkarbizitza izago dira», Aralar alderdiko Unai Baztarrikak argitu duenez. Eskubide zibil eta politiko guztiak defendatzeko konpromisoa hartu dute bi taldeek: «Gizarte mailako bakeari bultzada emango diogu, inoren aurkako mehatxu, presio, eta jazarpen mota guztiak desagerrarazizi, edozein dela ere pertsona horien jarduera edo ideologia politikoa». Bost konpromiso zehatz Beasainen eta beasaindarren alde elkarrekin lan egiteko sinatu duten akordioaren barruan, bost konpromiso zehatz hartu dituzte bi taldeetako kideek. Herritarren parte hartzea bultzatzeko lan egitea da hartu duten konpromisoetako bat. Hala, «herritarrei aukerak errazteko» lehen erabakia, osoko bilkurak eta batzordeetako bilerak arratsaldetan egitea izan da. Euskara bultzatzeko berriz, [...]

Hamahiru batzorde izango ditu Ordiziako Udalak

By on 2011/07/01 in Politika

Ordiziako Udalbatzak atzo arratsaldean egin zuen udal talde berriak gidatutako lehen osoko bilkura. Ez ohiko osoko bilkura zen, eta udalaren funtzionamenduareko beharrezkoak diren zenbait erabaki hartu behar izan zituzte. Aurrerantzean, eta aurreko legealdian ezarritakoa erabat irauliz, osoko bilkurak hileko azken ostegunetan egingo dira, 19:00etan. Horrez gain, udalak izango dituen batzordeen berri ere eman zuten, eta hainbat erakundetako lehendakariak eta alderdi bakoitzak udalean izango dituen bozeramaleak izendatu zituzten. Igor Eguren alkatea lanaldi osoan aritzea ere onartu zuten, eta baita udal taldeei eta zinegotziei dagozkien diru-kopuruak ere. %25 jaitsiera izan da azken bi arlo horietan. Hamahiru batzordeak Hirigintza eta obra handiak: Igor Eguren Obra txikiak eta zerbitzuak: Iban Asenjo Administrazioa: Igor Eguren Ogasuna: Izaro Insausti Kultura: Belen Maiza Euskara: Imanol Iturriotz Gizarte Ongizatea: Belen Maiza Berdintasuna: Edurne Gutierrez Partaidetza eta komunikazioa: Izaro Insausti Sustapena, garapena eta komertzioa: Juan Mari Gereñu Garapen iraunkorra eta mugikortasuna: Iban Asenjo Kirola: Juan Mari Gereñu Gazteria: Edurne Gutierrez Batzorde iraunkorrak Udal aretoan jende dezente bildu zen lehen bilkura jarraitzera. Ordezkari politikoek aldetik, Bilduko zazpi hautetsiak eta EAJko hiru (bi falta ziren) izan ziren. Iñaki Dubreuil PSE-EEko zinegotzia ez zen bilkuran egon. Igor Eguren alkateak esan zuen EAJri eta PSE-EEri gobernu batzordean sartzeko eskaintza egin zietela bere garaian, [...]

Rosa Mari Urkia izendatu dute Ormaiztegiko alkate, Orbelen aldeko botoekin

By on 2011/06/11 in Hauteskundeak, Politika

Rosa Mari Urkia, Bildu koalizioaren zerrendaburua izango da Ormaiztegiko alkate legegintzaldi berrian. Bere alderdiko zinegotzien eta Orbel hautes elkartekoen babesa izan du Urkiak; hala, bederatzi bototik sei jasota, gehiengo osoa lortu du. Eguerdiko 12:00etan egin dute alkatea izendatzeko osoko bilkura, eta jende ugari bildu da batzar aretoan. Txalo artean hartu dute alkate berriaren izendapena. Orain arte alkate izan den Jon Intxaustik aginte makila emanda irudikatu du kargu aldaketa. Agurrean, lau urtez alkatetzan egotea “esperientzia aberasgarria” izan dela azaldu du, eta esker ona agertu die berekin lan egin dutenei. Urkiari eta Bilduri berriz, zorte ona opa diela eta ondoan izango dituztela azaldu die Intxaustik. Rosa Mari Urkiak, Bilduk Euskal Herrian sortu duen “ilusioa eta itxaropena” azpimarratu ditu eta hori herrian irudikatzen saiatuko dela. Udala kudeatzeko eta politika egiteko “modu berri bat” ekarriko dutela dio, “herritarren partehartzea” bultzatuko duena.

Igor Eguren izendatu dute Ordiziako alkate

By on 2011/06/11 in Hauteskundeak, Politika

Goierriko udal guztietako udalbatzak gaur goizean osatu dituzte, horien artean Ordiziakoa. Igor Eguren izango da datozen lau urteetan Ordiziako alkate, Bildu koalizioak gehiengo osoa lortu baitzuen maiatzaren 22ko hauteskundeetan.

Bilduko Koldo Agirre da Beasaingo alkatea

By on 2011/06/11 in Gizartea, Hauteskundeak, Politika

BIldu koalizioko Koldo Agirre aukeratu dute Beasaingo alkate. Agirrek berak botoak kontatu dituen arte ezin izan da jakin zein aukeratuko zuten alkate, azken asteetan informazio nahasia zabaldu baita herrian. Alkate berriak ere hala azaldu du: “Ez genekien zer pasako zen, azken asteetan eta egunetan gauza ezberdin asko entzun baititugu”. EAJ alderdiko hautagaiarekin eta zinegotziekin lau bilera egin dituzte Bildukoek, Udal Gobernua osatzeko adostasunen bat lortzeko asmoz. Azkenean ordea, ez dute adostasunik lortu eta hauek izan dira alkatea izendatzeko bozketaren emaitzak: Bildu koalizioko Koldo Agirrek zazpi boto lortu ditu; Aitor Aldasorok (EAJ) sei boto; Fernando Boadak (PSE-EE) bi boto; Julio Herrerosek (PP) boto bat eta beste boto bat zurian. Alkate berria izendatuta, aurrerantzean talde lana bultzatu beharko dutela esan du Agirrek: “Astelehenetik aurrera hasi beharko dugu gobernua osatzeko lana egiten, eta ikusiko dugu zer gertatzen den, oso zaila delako seirekin edo zazpirekin gobernatzea. Lehenengo gobernua ondo osatzen saiatuko gara eta momentuko akordioak lortzen”. “Helburua beteta” Beasaingo Bilduren lehen helburua maiatzaren 22an bete zen, Beasainen sei zinegotzi lortu zituztenean. Jasotako boto kopuruarekin “oso gustura” geratu ziren koaliziokoak, eta alkatetza lortzen ez bazuten ere “herrian lortutako erantzunarekin helburua betetzat eman zitekeen” Agirreren arabera. Gaur alkatetza lortuta ordea, poza bikoiztu egin zaie hautagaiari, zinegotziei [...]

Beasaingo Bilduk EAJren “jarrera aldaketa” salatu du

By on 2011/06/09 in Hauteskundeak, Politika

Beasaingo Bilduk agerraldia egin du gaur eguerdian, EAJk udalen osaketari begira izan duen “jarrera aldaketa” salatzeko. Beraien esanetan, Bildurekin balizko akordioak izateari ateak itxi eta “PSOEri eta PPri Beasaingo alkatea nor izango den erabakitzen” utziko diela azaldu dute. Hala, Bilduko kideen ustez “PNVk oraindik ezin ditu emaitzak irentsi”. Euskadi Buru Batzarrak esan duen moduan, EAJk bere hautagaia aurkezten badu, “aldaketa erabaki duen herritargoari iruzur berri bat” egingo diola esan dute. Maiatzaren 22ko udal hauteskundeen ondoren, hiru bilera egin dituzte Beasaingo Bilduk eta EAJk. Aurrenekoan, ekainaren 11ra arte ez zutela “inorekin ezer hitz egingo” esan zieten jeltzaleek. Bigarren bilera batean berriz, bi alderdiak euren programak alderatzen hasi ziren, eta hirugarren bilera baterako “aukera guztiak zabalik utziz”. Hirugarren bilera atzo egin zuten. Bertan, EBBk hartutako erabakia jarraituz, EAJk bere hautagaia aurkeztu eta babestuko duela esan zien. Bilduren ustez, erabaki horren atzean, PSE-EErekin eta PPrekin bat egiteko asmoa dago. “PNVk nahiago ditu PSOEko bulegoetan lortzen dituen tratuak, Bilduren inguruan elkartu den aro berri baterako ilusioarekin bat egitea baino”. EAJren erabakia “zilegia” dela uste dute, “baina Beasainen PPko eta PSOEko hiru botoekin legealdi osoa egitea luzea egingo zailea ohartu beharko lukete”. Azkenik, Beasaingo Bilduk “herrian sortutako ilusioarekin ezingo dutela amaitu” gogorarazi du. Hauteskundeetan hartutako [...]

Larunbatean 11:00etan da udala osatzeko udalbatza

By on 2011/06/08 in Gizartea, Hauteskundeak, Politika

Larunbatean egingo dute udal berria osatzeko udalbatza. Hasiera batean, 12:00etan ziren udalbatza egitekoak, baina ordua aldatu egin dute eta 11:00etan izango da.
Ordua aldatu bada ere, Beasaingo Bilduk deia luzatu die herritarrei, larunbatean udal gob…

Beasaingo Bilduk udala osatzeko ekitaldira joateko deia egin du

By on 2011/06/04 in Hauteskundeak, Politika

Beasaingo Bilduk deia luzatu die herritarrei, datorren larunbatean, hilak 11, udal gobernu berria osatzeko ekitaldira joan daitezen. “Aldaketa garaia” dela diote eta alkatetza beraien gain hartzeko asmoa berretsi dute Bilduko kideek. &#8…

Lazkaoko Bilduk jasotako babesa eskertu die herritarrei

By on 2011/05/27 in Hauteskundeak, Politika

Lazkaoko Bildu koalizioak eskerrak eman dizkie, maiatzaren 22an, beraien aldeko botoa eman zuten herritar guztiei. Ohar baten bidez “oso pozik” daudela azaldu dute, “izandako emaitzekin eta Lazkaoko herriak eman digun konfiantzarekin&…