Astelehena, 2013-05-20

Etiketen Fitxategia | altamira

Ampo Ordiziak irabazi du Gipuzkoako errugbi derbia

By on 2013/02/23 in Kirola

Ampo Ordiziak 41-12 emaitzarekin irabazi du Hernani taldearen aurka Altamiran jokatu duen Gipuzkoako errugbi derbia. Horrenbestez, laugarren postuan finkatzea lortu du eta Gipuzkoa Cup kopa eskuratu du. Harmailetan giro bikaina izan da eta bi taldeetako zaleek oihuka eta txaloka hotzari eta elurrari aurre egitea lortu dute.

Ampo Ordiziak galdu egin du Gernikaren aurka

By on 2012/09/29 in Kirola

Partida gogorra izan da gaurkoa Ampo Ordiziarentzat. Gernikarrak indartsu etorri dira eta, batez ere bigarren zatian, bi taldeen arteko aldea nabarmena izan da: 16 eta 34 galdu dute ordiziarrek Altamiran. Gogotsu zeuden Axio Arañaren mutilak Gernikari aurre egiteko, baina bizkaitarrek merezita irabazi dute. Bigarren zatian, 0-25ekoa izan da Gernikakoek lortu duten aldea. Hasiera ona izan dute ordiziarrek, partida hasi eta segituan aurretik jarri baitira Krollen bi zigor kolperi esker (6-0). Itxura guztien arabera, Ampo Ordiziakoak izan behar ziren etxean historia egin behar zutenak, baina bizkaitarren lan onak ez die utzi. Zortzigarren minutuan 6-3koa etori da, Cusackek egindako drop bati esker, eta 12.minutuan etorri da seinako berdinketa, Cusackek berak egindako zigor kolpe batekin. Lehen zatia amaitu aurretik, aurretik ziren ordiziarrak (16-9), baina bigarren zatia hasi orduko berdindu dute berriz gernikarrek. 45. minututik aurrera bizkaitarren nagusitasuna areagotu egin da eta partida bukatzeko minutu baten faltan bonusa lortu dute.  Azkenean, 18 puntuko aldearekin amaitu da partida. Jarrera kontua Axio Araña entrenatzaileak funtsezko jokalari batzuen jarrera faltari egotzi dio gaurko hutsa. Atsedenaldian gogorarazi die jokalariei aurkaria gaur egungo ligako talderik onena dela, eta aurretik joan arren “edozer” gerta zitekeela, eta asmatu du. Aizpurua jokalari gazteak eta Joanes Aierbe kapitainak egin duten lan ona ere [...]

Patata tortillen usainarekin batera hasi da festa pizten Altamira auzoan

By on 2012/07/07 in Festak, Kultura

Auzoko jaiak ospatzen ari dira Ordiziako Altamiran. Atzokoa izan zuten estreinaldia, eta gaur, umeen txanda izan da goiz partean. Gaztetxoentzako krosa egin dute aurrena, eta marrazki lehiaketa ondoren. Jenderik gehiena, ordea, eguerdi parterako hasi da plaza ingurura biltzen, orduan hasi baita patata tortilla lehiaketa. Zazpi bikote edo taldek parte hartu dute aurten, batzuk abilezia handiarekin, komeri gehiagorekin besteak. Trikitilariek lagunduta poteoa ere egin dute gero. Arratsaldean segiko du festak, mus txapelketarekin eta Iban magoak umeentzat egingo duen saioarekin. Eguneko ekitaldi nagusietako bat, 18:00etan hasiko dena izango da. Altamira, Otegienea-Majori eta Eskarabilla auzoen arteko herri kirol saioa egingo dute. Gauean bertso afaria izango da, eta Drindots taldeak joko du gero. Mozorro lehiaketa eta matutina ere egingo dituzte, goizaldean.  

Altamira auzoan festak dituzte asteburuan

By on 2012/07/05 in Aisia, Festak, Gizartea, Kultura

 Otegi-Enea Majori eta Eskarabilla auzoetan festak antolatzen urte gehiago eramanagatik, aro berriko Altamirako festak egonkortzen hasiak direla esan daiteke, bai behintzat egitarauari erreperatuta. Hamabost egun eskas falta dira Santa Ana jaietako umeen asteburua hasteko, eta Altamirako festak jai nagusien atariko modura bizi ditu jendeak. Arratsaldean botako duten txupinazoarekin hasiko dira festak bihar, eta horren ondoren, umeentzako jolasak izango dira. Bikotekako II. Futbolin txapelketaren ondoren, buruhandi eta erraldoiek girotuko dituzte kaleak, eta iluntze partean luntxa banatuko diete auzoko zaharrenei. Egan taldeak girotuko du gaua. Larunbata, egun bete-betea Umeentzako krosaren eta marrazki lehiaketaren ondoren, patata tortilla lehiaketa, trikipoteoa eta mus txapelketa dituzte, eta arratsalde-gau partean egingo dituzte ekitaldirik nabarmenenak. 18:00etan hiru auzoen arteko herri kirol desafioa dago, eta gaua mozorrotuta pasa ondoren, goizaldeko danborrada ere egingo dute. Errondailaren saioarekin hasi, eta sardinaren hiletarekin bukatuko dira festak, igandean.   EGITARAUA Bihar,  hilak 6 17:00. Txupinazioa eta umeentzako jolasak. 18:00. II. Futbolin txapelketa. 20:00. Buruhandiak eta erraldoiak. 21:00. Jubilatuentzako luntxa. 23:00. Eganekin dantzaldia Etzi,  hilak 7 10:00. Umeentzako krosa. 10:30. Umeentzako III. Marrazki lehiaketa. 12:30. Patata tortilla lehia. 13:00. Trikipoteoa. 16:00. II. Mus txapelketa. 16:30. Ibon magoaren saioa. 18:00. Altamira, Otegienea-Majori eta Eskarabillako auzotarren arteko herri kirolak. 20:00. Buruhandiak eta erraldoiak. 21:00. Auzo afaria [...]

Ligako bi oilarrak aurrez aurre

By on 2012/01/06 in Aisia, Kirola

Hilabeteko etenaren ondoren, partida zirraragarri batekin gozatzeko aukera izango dute Goierriko errugbizaleek etzi Altamira zelaian (12:00). Ampo Ordizia bigarren sailkatuak Seat Santboiana liderra hartuko du igandean, eta irabazten badu Espainiako Ohorezko Mailako lidertza eskuratuko du, historian lehen aldiz. Bi taldeek zortzina partida irabazi eta bina galdu dituzte, baina kataluniarrek hiru puntu gehigarri gehiago lortu dituztenez, puntu horien aldea dago sailkapenean. Santboianak 41 puntu ditu, eta Ampo Ordiziak 38. Antzerako jokoa egiten duten bi talde dira Ordizia eta Santboiana; joko irekia egiten dute biek, baloia azkar mugitzen dute eta jokalari oso erasokorrak dituzte. Aurrez esatea zaila bada ere, zaleek gogoan izango duten norgehiagoka izango da etzikoa. Joaneko partidan 23 eta 17 galdu zuten Axio Arañaren mutilek Katalunian, baina porrotarekin etxeratu arren, irabazi ere egin zezaketela erakutsi zuten. Santboianak asko indartu du taldea aurtengo denboraldirako. La Vila taldetik Le Roux eta Lyons fitxatu dituzte, baina Isaac Thompson da taldearen izarra, ondo baino hobeto baitaki taldea gidatzen eta taldekideak motibatzen. Idiakez eta Elorza taldean Ordiziak oraindik ez du galdu partidarik etxean, eta Altamirak haien gotorleku izaten jarraituko duela espero dute. Klubaren ia berrogei urteko historian lortu ez dutena lor dezakete etzi, eta Axio Araña entrenatzaileak ez du ukatzen lidertza lortzeko aukerak «ilusioa» sortu [...]

La Vila iazko txapelduna hartuko du etzi Ampo Ordiziak Altamiran

By on 2011/11/04 in Aisia, Kirola

Espainiako Ohorezko Mailako errugbi ligaren 7. jardunaldia interesgarria dator oso. Joan den igandean Cajasol Cienciasi Sevillan irabazi eta gero, Ampo Ordiziak La Vila iazko txapelduna hartuko du etzi Altamira zelaian, 12:00etan. Iazko ligako lehen bi sailkatuen arteko partidak askorako eman dezake. La Vilak ez du garaipenik lortu ligako azken hiru partidetan, eta Ordizian punturik lortzen ez badu, gero eta urrutiago izango ditu sailkapeneko lehen postuak. Ampo Ordizia, berriz, bolada onean dago, eta Altamirako gotorlekuko giroa baliatu nahi du Mark Hewittek zuzendutako taldea atzean uzteko. Hiru laurdenekoan aldaketak Ampo Ordiziaren entrenatzaile Axio Arañaren iritziz, La Vilak «talde arriskutsua» izaten segitzen du. «Bolada txarra pasatzen ari dira, baina garbi dago dena ematera etorriko direla, eta azti ibiltzen ez bagara zulora joango gara, eta aurreko asteetako lana pikutara bidaliko dugu». Alacanteko taldea talde indartsu eta orekatua da, aurreko lerro ona dute, eta hiru laurdeneko azkar eta arriskutsua. «Jokalari izar batzuk galdu dituzte, baina indartu ere egin dira. La Vilari arnasa emango dion taldea gu ez izatea espero dugu». Akatsik ez egitea, eta zigor kolperik ez egitea da Arañak jokalariei aste honetan eman die mezua. Ordiziako taldean hiru laurdeneko lerroan aldaketak egongo dira, Perico Martinek eta Matias Tudelak ezingo baitute jokatu.

Ampo Ordiziak garaipen bikaina lortu du El Salvadorren aurka (39-23)

By on 2011/10/01 in Kirola

“Aste zaila pasa dugu, baina partida hau irabazi dugu, eta horrek konfidantza handia emango digu. Hori bai, umiltasunez jarraituko behar dugu lanean, horrek egiten baitu taldea”. Partidaren bukaeran Axio Araña entrenatzaileak jokalariei esandako hitzak dira horiek, El Salvador ahaltsuaren aurka partida ederra jokatu eta erasoko puntu gehigarria lortuta (39-23). Joan den astean Santboianaren aurka galdu ondoren, burukamur antzera itzuli zen taldea Kataluniatik, baina gaurko garaipenak indarra emango die datozen erronkei begira. Etxeko partidak igandeetan jokatu ohitu ditu Ampo Ordiziak, baina jardunaldi honetan larunbatean izan da norgehiagoka. Altamira bete-bete eginda zegoen, eta partida ikusteko giro paregabea, berotso agian. Partidako lehen ordu laurdena oso paretsua izan da, eta espainiarrak izan dira markagailuan aurretik jarri direnak zigor kolpe bati esker. Baina lehen zatiko bigarren erditik aurrera, Arañaren mutilek grina badutela erakutsi dutela, eta atsedenaldira 17 eta 6 aurretik joan dira. Bigarren zati ederra Gogotsu atera dira goierritarrak bigarren zatian, eta partida irabazteaz gain, erasoko puntu gehigarria lortu nahi zutela erakutsi dute zelaian. Matias Tudela izan da 28. minutuan puntu hori ematen zuen entsegua lortu duena, markagailuan 34 eta 9koa jarriz. Emaitza horrekin partida asko ireki da, eta Ampo Ordiziak beste entsegu bat lortu du Krollen eskutik. El Salvadorrek azken minutuetan lortu ditu partidako [...]

Altamira auzoan girotuko dituzte Ordiziako jai nagusien atarikoak

By on 2011/07/07 in Sailkatugabeak

Herriko festa nagusien atarian, auzoetan ari dira jai giroa berotzen. Duela bi aste Otegi enea-Majori auzokoak ospatu bazituzten, orain Altamirakoen txanda izango da. Iaz antolatu zituzten aurreneko aldiz, eta auzotarren artean «harrera ona» izan zutela ikusita, aurten ere ekitaldi sorta antolatzea erabaki dute. Ostiral arratsaldetik igande gauera arte iraungo dute, eta herri giroko ekintza ugari prestatu dituzte, tartean, futbolin txapelketa, auzo afaria eta matutina. Aurtengo berrikuntza, larunbat arratsaldeko mus txapelketa izango da. Antolakuntza lanetan ibiltzen den auzotarretako bat da Joseba Imaz. Altamirako festek, «giro herrikoia» izaten dutela azaldu du. Iaz antolatu zituzten aurreneko aldiz eta «harrera oso ona» izan zuten. «Jendeak antolatutako ekintzetan parte hartu zuen, patata tortilla lehiaketan esaterako, hogei lagun aritu ziren». Aurten ere, «denentzako ekitaldiak» antolatu nahi izan dituzte. «Iaz gehienbat umeentzako ekitaldiak izan ziren, eta aurten berrikuntza batzuk sartzen saiatu gara». Hala, futbolin eta mus txapelketak antolatu dituzte, aurreneko aldiz. Bihar arratsaldean botako dute jaien hasierako suziria. Futbolin txapelketa eta buruhandiak izango dituzte arratsalde partean. 21:00etan, jubilatuentzako luntxa emango dute, eta Cafe Irlandes taldeak girotuko du gau parteko festa. Auzoen arteko herri kirolak Aurtengo festek dakarten beste berrikuntzetako bat, auzoen arteko herri kirol saioa da. «Duela bi aste Otegi-eneako festetan egin genuen, eta orain bueltakoa izango [...]