Osteguna, 2013-05-23

Etiketen Fitxategia | aldundia

Goierriko udalek 1,3 milioi euro itzuli beharko dituzte, 2012ko UFFFkoak

By on 2013/02/20 in Ekonomia, Politika

Bosgarren urtez jarraian, UFFF Udalak Finantzatzeko Foru Funtsaren likidazioa aurreikuspena baino beherago geratu da. Goierriko udalek guztira 1.289.387 euro itzuli beharko dizkiote Gipuzkoako Foru Aldundiari, iaz zegokiena baino gehiago jasotakoak. Aurrekontuaren eta itxieraren artean, berez %3,96ko beherapena izan da. Hala ere, aldundiak 2,3 milioi euroko ekarpen berezia egingo du itzulketak arintzeko, eta azkenean %3,37an geratu [...]

Arama-Altzagarate bidean hobekuntzak egingo ditu Aldundiak, bost lekutan

By on 2012/05/11 in Bestelakoak

Gipuzkoako Foru Aldundiaren Mugikortasun eta Bide Azpiegituretako departamentuak Aramatik Altzagaratera doan Gi-3871 errepidean berrikuntzak egiteko proiektua onartu du, egitasmoari aurkeztu zitzaizkion bi helegiteak ezetsi ondoren. Bidea zabaldu egingo dute bost lekutan, eta segurtasun baldintzak hobetuko dituzte. Bestetik, errepide zati baten behealdean jausitako luiziaren gunea sendotuko dute. Proiektua iazko maiatzaren 10ean hasi zen tramitatzen aldundia. Informazio aldian bi helegite aurkeztu zizkioten partikularrek, eta horiek aintzat ez hartzea erabaki ondoren, Diputatuen Kontseiluak martxoaren 27ko bileran onartu zuen behin betiko obra, baita berori egiteko beharko diren ondasunen zerrenda ere. Gipuzkoako Aldizkari Ofizialak maiatzaren 2an argitaratu zituen egitasmoaren xehetasunak eta hartuko dituen lur desjabetzeen zenbatekoak nahiz eskubideak. Aramako herrigunearen irteeratik Altzagako auzo den Altzagarate gainera bitartean bost bide zatitan egingo dituzte obrak, Gi-3871 errepidearen 0,2 kilometro puntutik 4,4ra. Proiektuan bost zati hobetzea aurreikusten da, egungo errepidearen zabalera handituz. Lanak egingo dituzten zati guztietan gehienez sei metro zabaleko plataforma geratuko da. Ikuspen-distantzia hobetuko dute, bihurgune itxietan trazatua leunduta. Bestetik, Aramatik Altzagara bitartean luizia etorri zen gunean dagoeneko harrizko lubeta eraikitzen ari dira foru langileak, 1,45 eta 1,6 kilometro puntuen artean. Arama-Altzagarate errepidea hobetzeko proiektuak 1.156.523,82 euroko aurrekontua dauka. Lanak egiteko, berriz, «bost hilabete inguruko» epea mugatu du aldundiak. Itsasondo-Ordizia bidegorria Foru Aldundiak, bestetik, Itsasondo eta [...]

Harrera egin diete Kopako txapeldunei

By on 2012/04/26 in Kirola

Gipuzkoako Foru Aldundiak harrera ofiziala egin zion atzo iluntzean Espainiako Kopa irabazi duen Ampo Ordizia errugbi taldeari. 18:30ak aldera iritsi ziren klubeko zuzendaritzako kide, teknikari eta jokalariak Diputaziora, Axio Araña entrenatzailea eta Joanes Aierbe kapitaina aurretik zirela, kopa eskuan. Han, Martin Garitano ahaldun nagusia, Ikerne Badiola kiroletako diputatua eta Asier Sarriegi kiroletako zuzendaria zituzten zain. Ekitaldi xumea izan zen. Bi minutuko bideo proiekzio bat ikusi ondoren, Badiolak hartu zuen hitza, eta esan zuen sekula ez lukeela pentsatuko errugbia horrenbeste jende mugiarazteko gai izango zenik. Palentziako finalean ere izan zen Badiola, eta han bizitakoak gogoan hitz egin zuen. Garitanok esan zuen Gipuzkoa guztia “harro” dagoela Ampo Ordiziaren lorpenarekin, eta bide beretik jarraitzeko deia egin zien, ligako tituluarekin diputazioara berriz joateko. Aitor Araña presidenteak eskerrak eman zizkien zale, jokalari, erakunde eta babesle guztiei, eta ligako koparekin itzultzeaz ere aritu zen. Garitanok oroigarria bat eman zien klubaren arduradunei, eta Araña presidenteak bina elastiko eta baloi oparitu zizkien. Taldeko argazki bat atereaz bukatu zen ekitaldia.

Gipuzkoako Diputazioak harrera ofiziala egingo dio gaur Ampo Ordiziari

By on 2012/04/25 in Kirola

Gipuzkoako Foru Aldundiak harrera ofiziala egingo dio gaur arratsaldean Ampo Ordizia errugbi taldeari. Martin Garitano diputatu nagusia, Ikerne Badiola kultura, gazteria eta kirol diputatua, Asier Sarriegi kiroletako zuzendaria, Ordiziako udal ordezkariak, Gipuzkoako Errugbi Federaziokoak eta Gipuzkoako errugbi taldeetakoak izango dira bertan. Ordiziako taldea 18:45ean iritsiko da Gipuzkoa plazara. Sarrera nagusiko ateak ireki eta gero, Garitanok eta Badiolak egingo diete harrera taldekideei. Ondoren, trono aretora igoko dira, eta ekitalditxo bat egingo dute bertan. Lehendabizi pare bat minutuko bideo bat emango dute, eta ondoren, diputazioko ordezkariek eta klubekoek hitz egingo dute. Taldeak sinatutako elastiko oparitu die Garitano eta Badiolari, eta aldundiak oroigarri bat. Ondoren, taldeko argazkia aterako dute.

Kudeaketa Plana legazpiarrekin partekatu du Foru Aldundiak

By on 2010/11/08 in Politika

Edurne Egaña diputatua Legazpin izan zen pasa den azaroaren 3an, Foru Aldundiaren Kudeaketa Planaren inguruan herritarren iritziak eta ekarpenak jasotzen. 20 legazpiar ingururekin bildu zen Lehendakaritza eta Foru Administrazioko diputatua, eta oro har, parte hartze dinamiketaz eta hauen eraginkortasunaz jardun ziren. Legazpiarrek «halako prozesuetan parte hartu ohi dutenen profila» edota «instituzioek halako prozesuei erantzuteko gaitasunik [...]