Osteguna, 2014-10-23

Etiketen Fitxategia | aht

AHTaren tuneleko luiziak eragindakoa irailera bitartean konponduko dute

Abiadura Handiko Trenaren lanetan, Zumarraga azpitik doan tunelean jazotako luiziak sortutako eragozpenak konpontzeko lanak irailera arte luzatuko dira. Lan horien muina maiatzaren 28an tunelean gertatutako luiziak sortutako zaborra ateratzea da, baita tunelari errefortzuak jartzea ere. Zumarraga azpitik doan tunela Gipuzkoan zehar AHTaren lanetan egingo duten tunelik luzeena da.

Lan Ikuskaritzak onartu du ABEE bat bestearen zatian sartu dela AHTan

LAB sindikatuak Lan Ikuskaritzaren aurrean egindako salaketaren erantzunean, Zumarraga aldi baterako enpresa elkartea Antzuolako ezaugarri bereko enpresari esleitutako Abiadura Handiko Trenaren Zumarragako tunelaren zatian lanean aritu dela onartzen du ikuskaritzak. Emandako erantzunean Lan Ikuskaritzak Zumarraga Tuneleko ABEEko (Aldi Baterako Enpresa Elkarteko) lan-arriskuen prebentzioko teknikariak Zumarraga ABEEk Antzuola Tunela ABEEri zegozkion 500 metroko zatian lanean aritu dela onartzen du, «arrazoiak zeintzuk diren jakin gabe»

Zumarragako AHTaren tuneleko luizia konponduta dagoela esan du Eusko Jaurlaritzak

Eusko Jaurlaritzako Eusko Jaurlaritzako Ingurumenaren eta Lurralde Politika Saileko prentsa zerbitzuak adierazi duenez, Zumarragako Ospitalearen azpitik doan Abiadura Handiko Trenaren tunelean luizia gertatu zen aurreko maiatzaren 28an, baina sortutako arazoak «konponduta daude jada». Gehitu dutenaren arabera, «Antzuola-Ezkio/Itsaso Mendebaldea zatiko 500 metroak hasi gabe daude hondeatutako lurrak egonkortu arte eta irtenbide administratibo bat aurkitu arte.

AHTren lanak aurrera doaz Ezkio-Itsasoko Santa Lutzi auzoan

Abiadura Handiko Trenak Euskal Herrian egingo duen ibilbidearen inguruan oraindik zalantza asko badaude ere, Goierriko zatiari dagozkion lanak nahikoa aurreratuta daude dagoeneko. Beasaindik Legorretara arteko obra guztiak bukatuta daude, eta egun, Ezkio-Itsason ari dira lanean, Santa Lutzi auzoan. Hain zuzen ere, bertan izango du geltokia AHTak, eta erabat zehaztu gabe badago ere, baita Nafarroako korridorearekiko lotura ere.

Abiadura handia, zalantza handiak

Abiadura handiko trena Euskal Herrian inoiz egin den garraio azpiegitura handiena da eta Goierri alderik alde zeharkatuko du. Halakoetan beti gertatu ohi den bezala, aldeko eta aurkako iritziak daude. Batzuen ustez, premiazkoa da eta aberastasuna ekarriko du. Besteen iritziz, berriz, ez da beharrezkoa eta dirua xahutzeko besterik ez du balioko. Krisia dela eta, trena ez dutela martxan jarriko uste duenik ere bada.

Ezkio-Itsaso, trenaren lanek zatituta

Abiadura handiko trena eraikiko lanen tamainaren berri izateko, Ezkio-Itsasora joatea besterik ez dago. Trenbideak herria alderik alde zeharkatuko du, errepide ondotik, eta, gainera, geltoki bat egingo dute. Obrak buruhauste asko eragin du: lokatza errepidean eta etxeetan, pitzadurak Hariztizabal baserriko sagastian, desjabetzeak, aurki Ojarbide Goikoa baserria bota egingo dute, trena Sagastizabal baserri ondotik pasako da, herria [...]

Okzitaniako Tolosan egon izana ukatu egin du Gorka Ovejero zumarragarrak

2011n Okzitaniako Tolosan Yolanda Barcina Nafarroako Gobernuko presidenteari hiru tarta botatzeagatik auzipetutako bost kideak gaur epaitu dituzte. Horien artean dago Gorka Ovejero zumarragarra (1972). Epaiketa 10:35 aldera hasi da, eta  Ovejero izan da hitza hartzen lehena. Soilik defentsako abokatuei erantzun die, eta ukatu egin du orain bi urteko urriaren 27an Okzitaniako Tolosan egon izana. Fiskalak nabarmendu [...]

Bi urte itxita egon ondoren, bihar arratsaldean irekiko dute Mandubiko errepidea

Bihar arratsaldean irekiko dute Mandubiko bidea. AHTren obrak egiteko itxi zuten eta bi urte pasatxo eman ditu itxita. Denbora honetan guztian, Mandubiko bizilagunek Arriarandik pasatzen den errepidea erabili behar izan dute. Hau luzeagoa eta estuagoa da. Salbatoretik Mandubira doan bidea 2011ko San Joan egunean itxi zuten, AHTko obrak egiteko. Izan ere, errepidearen ondoan tunel bat [...]

Sustapen ministerioak Ezkio-Itsason AHTren geltokia egitea onartu du

Espainiako Sustapen ministerioak Ezkio-Itsason AHTrentzat geltokia egitea aurreikusten duen estudioa onartu du. Hasierako asmoa aurreratzeko eta geratzeko postua egitea zen, baina azkenean geltokia egitea erabaki da. Aldaketa honi esker, eskualdeko bizilagunek Ezkio-Itsason abiadura handiko trena hartu ahal izango dute. Geltokia merkantzia-trenen bazterbide bezala ere erabiliko da. Izan ere, trenbideak bidaiarien eta merkantzien garraiorako balioko du. [...]

AHTren aurkako bizikleta martxak Goierri zeharkatuko du

Mugitu!-k AHTren aurkako bizikleta martxa antolatu du, Altsasutik Donostiara. Hilaren 27an eta 28an Goierri zeharkatuko dute. 27an, 12:00etan, Urretxuko gaztetxean ongi etorria egingo diete. 13:00etan elkarretaratzea egingo dute Zumarragako Eitza auzoan, 13:45ean Ezkio-Itsasoko lanak ikusiko dituzte, 14:30ean Arriaranen bazkalduko dute, 18:30ean Ordiziako txosnetan ongi etorria egingo diete eta ondoren Zerainera joango dira. Biharamunean, goi tentsioko [...]