Asteartea, 2013-05-21

‘Seme-alabak ez dira zuen seme-alabak’

By on 2013/05/13 in Bestelakoak

Asteburuarekin lotu dituzte aurten San Isidroak Eitzaga auzoan, eta jai eguna asteazkena bada ere, maiatzak 15, atzo hasi ziren auzoko festak. Afari herrikoia eta rock kontzertuak izan zituzten eta gaur herri krosa egin dute. 30. aldia izan da aurtengoa, eta aurrena umeak eta ondoren helduak aritu dira auzoan zehar korrika. Iluntzean Voces Navarras taldeak emanaldia egingo du eta gauen Ehunzango batukadak jarriko du dantzarako aukera.

Arkitekto gazteek Irimo bisitatu dute euren proiektuak prestatzen hasteko

By on 2013/05/13 in Bestelakoak

Euskal Herriko eta Espainiako arkitekto gazteek Urretxu bisitatu berri dute. Europan 12 lehiaketaren barruan, Irimo gunerako proiektu ezberdinak aurkeztea da euren zeregina. Aurreproiektuak prestatzen hasi aurretik, bertatik bertara bisitatu dute garai batean, Urretxuko industria gune garrantzitsua izan zen 75.000 metro koadroko eremua. Orain hamarkada batzuk herriko ekonomiaren ardatz izan zen lantegien multzoa erabat utzita dago gaur egun.

110 judoka gazte Gabiriako frontoian

By on 2013/05/13 in Kultura

Larunbatean judo topaketa egin zuten Gabiriako frontoian. 110 haurrek parte hartu zuten, horietako 21 herrikoak. Agurraren eta beroketa ariketen ondoren, judoka gazteak lauko taldetan banatu zituzten. Talde bakoitzean urrezko domina bat, zilarrezko beste bat eta brontzezko bi banatu zituzten. Bukaeran, kirolariek gurasoek egindako tortillak jan zituzten. Ekitaldi honekin bukatu da aurtengo Udaberri Kulturala. Urteroko moduan, [...]

Ormaiztegiko baserritarrei buruzko dokumentala estreinatuko dute bihar

By on 2013/05/13 in Kultura

Herriko baserritarrei buruzko dokumentala estreinatuko dute bihar Ormaiztegin baserritarren eguna ospatzeko. Gainera, Josu Tellabidek Ormaiztegi eta inguruko baserriak XIX. mendetik gaur arte hitzaldia emango du. Ondoren, bertaratuek mokadutxoa jango dute. Ekitaldia 17:00etan hasiko da. Zumalakarregi museoak antolatu du. Bideorako herriko lau baserritarrekin hitz egin dute: Mekola baserriko Juan Felipe Rezusta, Sosoazabaleko Joxe Domingo Iurrita, Udabarroko Juanito [...]

Dhuna taldearen kontzertua atzeratu egin dute, Maizpiden

By on 2013/05/13 in Kultura, Musika

Lazkaoko Maizpide euskaltegiak herrian barrena itsatsi dituen karteletan dio gaur gauean izango dela Dhuna talde goierritarraren kontzertua, euskaltegian. Ez da hala. Atzeratu egin dute, oraingoz egun jakinik ipini gabe. Beasaingo festak direla eta, beste egun baterako utzi dute musika emanaldia. Gaur 21:00etan zen hastekoa.

Laurehun herritarretik gora aritu dira atez ateko bilketa diseinatzen Ordizian, lehen astean

By on 2013/05/13 in Gizartea, Hondakinak, Politika

Ordiziako udal gobernuak «oso arrakastatsutzat» jo du atez ateko hondakin bilketa diseinatzeko joan den astean abian jarritako parte hartze prozesua. Udalaren esanetan, 400 lagun baino gehiagok parte hartu dute hilaren 6an eta 7an egindako bi batzar orokorretan, eta baita Altamira, Majori eta Otegieneako auzotarrekin hilaren 8an eta 9an egindako bi bileretan. «Herritarrak animatu nahi ditugu [...]

Kuadrillen eguna ari dira ospatzen gaur Beasainen

By on 2013/05/13 in Festak


Jendetza dabil Beasaingo kaleetan, kuadrilen egunean. Blusak jantzita edo gerrian lotuta dituzte gehienek eta txarangen doinua entzuten da kaleetan. Poteorako giro bikaina dute eta laster joango dira bazkaltzera. Arratsaldeko 17.30ean abiatuko dira kuadrilak Barrendain kaletik hasi eta erdigunera kalejiran.

Emakume bat hil da arratsaldean Aizkorrin

By on 2013/05/11 in Gizartea

Herrizaingo Sailak jakitera eman duenez, 47 urteko emakume gasteiztar bat hil egin da gaur arratsaldean Aizkorrin, 30 metrotik behera erorita. 16:30ak aldera Petroleras inguruan izan da istripua, beste mendizale batek jakinarazi duenez. Larri zauritu da emakumea, eta larrialdi zerbitzuetako langileak iritsi direnerako hilda zegoen. Ertzaintzak erreskatatu du gorpua, elikopteroz.

Eitzan festa giro bikainean murgilduta daude

By on 2013/05/11 in Sailkatugabeak

Auzoko festak ari dira ospatzen Eitzagan. Atzo hasi ziren eta asteazkenera arte luzatuko dira San Isidro festak, denetariko ekintzekin. Gaur…

Eitzan festa giro bikainean murgilduta daude

By on 2013/05/11 in Bestelakoak

Auzoko festak ari dira ospatzen Eitzagan. Atzo hasi ziren eta asteazkenera arte luzatuko dira San Isidro festak, denetariko ekintzekin. Gaur arratsaldean herri lasterketa egin dute, lehenik umeek eta ondoren helduek.

Azintzio jaiak ari dira ospatzen Legorretan

By on 2013/05/11 in Aisia, Festak, Gizartea, Kultura

Mozorrotuta hasi dute eguna gaur Legorretan. Azintzio jaiak ari dira ospatzen, eta mozorroen eguna da gaurkoa. Gizon Pikua udaletxeko balkoitik begira dutela paella lehiaketa egin dute eguerdian, txakolina dastatuz. Plazan eta pilotalekuan elkartu dira lagun taldeak, batzuk mozorrotuta eta beste batzuk eguneroko itxuran, eta beharrezko osagarriak eskutan, paellak egiten aritu dira. Asteazkenean hasita ari dira [...]

Loinatzetan bete-betean daude beasaindarrak

By on 2013/05/11 in Aisia, Festak, Gizartea, Kultura

Mari heldu da Murumenditik eta festa giroa herriko txoko ugaritan nabari da ia Beasainen. Atzo arratsaldean festen hasierako txupina bota zuten herriko ikastetxeetako ikasleek, eta gauean Mariren etorrerarekin lehertu zen festa. Jende ugari elkartu da erdigunean jai egunen lehen orduetan, bai atzo arratsaldean eta bai gaur ere, haurren danborradaren aitzakian. Buruhandiek eta erraldoiek haurrez inguratuta egin zuten itzulitxoa herrian, eta erraldoiek dantza ere egin dute aurten. Beste berrikuntzetako bat Zanpaldunak joaldunen irteera izan da aurten. Herriko gazte talde batek sortu du joaldun taldea, eta atzo arratsaldean egin zuten lehen saioa beasaindarren aurrean.

Buruz burukotik kanpo geratu da Jon Ander Albisu

By on 2013/05/11 in Kirola

Jon Ander Albisu pilotari ataundarra buruz buruko txapelketatik kanpo geratu da bart, Tolosako Beotibar frontoian Mikel Beroiz nafarraren aurka 22-9 galduta. Akats ugari egin zituen Albisuk, eta partidaren bigarren zatian hainbat pilotakada polit eman bazituen ere, galdu antzera aritu zen partida guztian zehar. 52 minutuko partida izan zen eta 231 pilotakada egin zituzten bi jokalariek.