Igandea, 2014-10-26

Argazki lehiaketako irabazleek jaso dituzte sariak

Amaitu da aurtengoz Goierriko Hitzak, Fotoetxek eta Sasieta Mankomunitateak elkarrekin antolatzen duten Udako Argazki Lehiaketa. Bina sari eman dituzte aurten Fotoetxek eta Sasietak eta saridunak Lazaro Gonzalez –Fotoetxeren argazki onenari saria–, Guillermo Urrestarazu –Fotoetxeren argazki originalenari saria–, Julen Arin –Sasietaren lehen saria– eta Josune Beloki –Sasietaren bigarren saria– izan dira.

Goierriko bigarren erromeria Zaldibian egingo dute, igandean

Goierriko I. Erromeria Birako bigarren geldialdia Zaldibian izango da, igande honetan (urriak 26). Ardiki Egunarekin bat eginez, 18:00etan hasiko da dantzaldia plazan, herriko trikitilariek alaituta. Ordiziako Oiangun hasi zen bira, irailaren 27an. Hilero erromeria bat antolatuko dute, ekainera bitartean, Goierriko herri banatan. Eskualdeko hainbat dantza taldek elkarlanean sortu dute ekimena.

Haurren sexualitateaz hitzaldiak egingo dituzte Zaldibian, gurasoentzat

Zaldibiako Ausa Gaztelu guraso elkarteak bi hitzaldiko zikloa antolatu du, haurren sexualitateaz eta sexu hezkuntzaz. Gurasoentzat eta irakasleentzat zuzenduta egongo dira. Lilima taldeko Aitziber Estonba sexu hezitzaileak emango ditu hitzaldi-tailerrak. Bi ostegunean izango dira saioak:  bihar (urriak 23) eta bihar zortzi (urriak 30). 17:30ean dira, Lardizabal eskolan. Adinez adin haurren sexualitateaz, eskolan edo etxean sor [...]

DV-Credit Agricole pilota txapelketako partidak jokatuko dituzte ostiralean Legazpin

Ostiralean, 22:00etan, DV- Credit Agricole pilota txapelketako final zortzirenak jokatuko dira Legazpin. Gazte mailan, Etxarri Aranazko Bakaikoa eta Lesakako Olaizola Zizurkilgo Labaka eta Iruñako Medinaren aurka arituko dira. Nagusien mailan, Oiartzungo Ugalde eta Gasteizko Perezek Albizturko Labaja eta Hernaniko Azpitarteren aurka jokatuko dute. Sarrera doan da.

Arantza Segurolak irabazi du Legazpiko Udalaren egutegiko lehiaketa

Erraizabal baserriko Arantza Segurolak irabazi du Legazpiko udalaren egutegiarekin lotutako iraileko zozketa. Parte hartzaileek Zein da herriko zaindari jaietan azkena? galdera erantzun behar zuten eta erantzun zuzena zuzena Agorreko Santikutzak da. Lehiaketa honetan parte hartzeko udalaren webgunera edo udaletxera jo behar da.

Ostiraletik aurrera Masacciren txotxongiloak ikusgai egongo dira Zelai Ariztin

Laugarren aldia da Corrado Masacci txotxongilo egileak (Ravenna, Italia, 1959) geldialdia egiten duela Zumarragan. Etzi erakusketa inauguratuko du Zelai Arizti kultur etxeko areto nagusian. Igelak erakutsiko ditu oraingoan, gisa guztietako igel bilduma egin du. Erakusketa harago doa baina, eta Urretxuko zein Zumarragako eskoletako haurrei txotxongiloei buruzko tailer didaktikoak eskainiko dizkie datorren astean hasita. Erakusketa ikusgai egongo da azaroaren 9ra arte.

Irailean hondakinen %79 bildu da gaika Ordizian

Datu baikorrak utzi ditu irailean Ordiziako atez ateko hondakin bilketak. Uztailean eta abuztuan zabortegira bideratu zen hondakin kopuruak gorakada izan bazuen, irailean nabarmendu hobetu da birziklapenerako joera. Irailean etxeko hondakinen %79 bildu da gaika. Ordizian 236.660 kilo hondakin bildu ditu Sasieta Mankomunitateak; horietatik 186.820 kilo (%79) birziklatzeko guneetara bideratu ditu, eta 49.840 kilo (%21) zabortegira. [...]

Legorretan gaur hasiko da kultur astea

Eskaintza zabala eta ugaria dakar Legorretako aurtengo kultur asteak. Gaur (urriak 22, asteazkena) hasiko da egitaraua, igandera arte. Hitzaldiak, gizarte gaiak, ipuin kontaketak, dantza saioak eta mus txapelketa izango dira, besteak beste. Aurtengo berritasuna sagar prentsaketarena da. Aldaieta jubilatu elkarteak eta Ugaro herri eskolak elkarrekin antolatu dute jardunaldia. Larunbatean izango da, eta bi sagar prentsaldi [...]

Itsasondoko ‘Haurren herria’ egitamoak urtea bete du

Urtea bete du Itsasondo Haurren Herria ekimenak. Haurrekin, nerabeekin eta gazteekin lanean dabiltzan eragile ugarik parte hartu dute, «umeak etorkizuneko herritar bihurtzeko sozializazio prozesuan». Itsasondon eta inguruan egitasmoa herritarrei ezagutarazi ondoren, hurrengo urterako helburuak finkatu dituzte orain. «Egitasmoak indarra hartu du», ziurtatu dute. Lehen urteko ibilbidean «lehen harria» jarri dute. «Urtea oso emankorra izan da». [...]

Legorretako Aitzol Aramaio Film Laburren Lehiaketan 299 lan jaso dituzte

Urterik urte geroz eta erantzun handiagoa jasotzen ari da Aitzol Aramario Film Labur Lehiaketa. Zuzendari ondarruar eta Legorretako lehiaketako epaile zenaren izena hartu zuela hirugarren urtea da; aurretik Legorretako film laburren lehiaketa zenak 2012an hartu zuen Aitzol Aramaioren izena; zuzendari hil zenean, haren omenez jarri zioten deitura. Legorretako lehiaketan epaimahaiko kide izan ohi zen Aramaio. [...]

Bi informazio panel berri jarri dituzte Beasainen

Beasaingo Udalak, herritarrak informatuta izateko asmoarekin, bi informazio panel berri jarri zituen Antzizarren eta Erauskin plazan. “Oso harrera ona izan dute beasaindarren artean” diote udaletik. Horregatik, beste bi informazio panel berri jarri dituzte orain Igartzako Monumentu Multzoaren inguruan, Igartzan egingo diren ekitaldien berri emateko. Panle hauek ez dira beste biak bezalakoak: digitalak izan ordez, burdinezkoak dira, [...]

Musika lokaletan lapurreta jasan zutenei laguntzeko kontzertua antolatu dute

Duela aste batzuk lapurreta egin zuten Legazpiko musika lokaletan eta bertan entseatzen duten taldeek Subeltza Eguna antolatu dute lapurreta jasan zuten taldeei laguntzeko. Kontzertua larunbatean egingo dute, Urbeltz pilotalekuan. Subeltza kolektiboko zortzi taldek joko dute. 18:00etatik 21:00etara Estado Kritiko, Elbereth eta Arraio taldeak arituko dira eta 22:00etatik 02:00etara Pepe Botika, Cuarto de Hora, The Nekrobabies, [...]