Ostirala, 2014-09-19

Bertan behera gelditu da Ordizia-Txindoki-Ordizia duatloia

Froga iritsi baino bi aste lehenago izen-ematea urria zela ikusita, Ordizia-Txindoki-Ordizia duatloiaren antolatzaileek proba bertan behera uztea erabaki dute. Irailaren 27an egitekoa zen lasterketa; baina, azkenean antolatzaileek nahiago izan dute ez egin. “Izena gutxik eman duten arren, bagenekien jende gehiago egitekotan zela. Hala ere, proba egunera horrela iristerik ez zegoenez, ez egitea erabaki dugu”, azaldu [...]

“Bide berriak: elikadura burujabetza Euskal Herrian” dokumentalaren estreinaldia, Ordizian

Euskal Herrian elikadura burujabetzaren inguruan eraikitzen ari diren esperientzia eta alternatiben berri ematen du “Bide berriak: elikadura burujabetza Euskal Herrian” dokuemtalak. EHNE-Bizkaia eta Bizilurren elkarlanetik sortutako dokumentala da; bihar egingo dute estrenaldia Ordizian 19:00etan D’elikatuz Zentroan.

Mugikortasun jasangarria hizpide hartu dute Goierriko ESI osasun erakundean

Europako Mugikortasun Astearekin bat egin du Goierriko ESI osasun erakundeak. Zumarragako Ospitalean argazki lehiaketa, tailerrak eta autorik gabeko eguna antolatu dituzte, besteak beste. Ingurumena eta osasuna lotu dituzte erakunde barruko langileei zuzendutako ekintzak bultzatuta eta erabiltzaileekin partekatzeko ekintzen bitartez. Gaur, esaterako, Zumarragako Ospitaleko atarian Internetek mugikortasun jasangarriaren inguruan eskaintzen dituen tailerren berri ematen ari zen Patxi Eleta ESIko ingurumen teknikariak, «gidatzeko era eraginkorrak ezagutzeko ikastaroak egin daitezke sarean».

Zazpi antzezlan aurkeztuko dituzte konpainiek Ataunen, Antzeztaun antzerki zikloan

Beste urte batez, eta hiru dira dagoeneko, Ataunen hilabeteko antzerki egitaraua antolatu dute. Antzeztaun zikloak hainbat konpainia eta aktore ekarriko ditu. Ostiralean hasiko da egitaraua, eta urriaren 17ra arte guztira zazpi antzezlan ikusi ahalko dira. Zazpi lan, eta bost agertoki. Herrian barrena bost lekutan taularatuko dituzte antzerki-lanak, ahalik eta jende gehienarengana iristeko: Herri Antzokian bi, [...]

Zea Mays taldea, Legazpin

Agorreko Santikutz jaiak izan dituzte asteburuan Legazpin. Festa giroko ekitaldi sorta izan da, eta tartean, nola ez, kontzertuak. Asteburuko puntu beroetako bat, Zea Mays taldearen emanaldia izan da. Jende ugari bildu zen Euskal Herria plazan, bizkaitarren klasikoak eta kanta berrienak bertatik bertara entzuteko. Zaleak gustura uzteko moduko kontzertua eskaini zuten.

«Ikusezinak diren errealitateak bistaratzen saiatzen naiz»

Ostegun iluntzean banatu zuten XVII. Igartza Saria, Igartzako jauregian, eta aurtengo irabazlea Unai Villena elgoibartarra izan da. 6.000 euroko laguntza eta lana argitaratzeko konpromisoa dakartza sariak; urte bete inguruko epean amaitu beharko du. Villena Elgoibarren jaio zen 1980an eta industria- ingenaria da ikasketaz. Aurrez libururik kaleratu gabe bazegoen ere, hainbat idazlan sariketa irabazitakoa da. Berak [...]

Urritik aurrera jarriko da martxan sistema berria

Bizilagunekin nahiz merkatariekin eta ostalariekin hainbat bilera egin ondoren, zehaztu du udalak Ordiziako Alde Zaharrera sartu eta irtetzeko kontrol sistema berria. Guztien interesak kontuan hartuta egindako aldaketa dela diote udal ordezkariek, baina oinezkoei lehentasuna emanez. Erdigunera sartzeko baimena duten erabiltzaileen matrikula irakurriko du kamerak eta semaforoa ambarrean jarriko da. Gehienez, 30 minutuz egon ahalko dute [...]

Presoen eskubideen alde tiraka

Euskal preso politikoen eskubideen defentsan, Hutsunerik gabeko eguna egin dute asteburuan, Urretxun. Eguerdian hasi zen ekitaldi nagusian, presoak kartzeletatik ateratzeko “tira” egin beharra dagoela irudikatu zuten. Ondoren, herri kirol saioa eta kamioiak arrastaka eramateko proba ikusgarria egin zituzten, Gernikako Arbola plazan. Izan ere, aizkolari eta harri jasotzaileez gain, 8.500 kiloko bi kamioi bururi tiraka aritu ziren bi lagun; 20 bat metroan eraman zituzten. Jendearen arreta piztu zuen ekitaldiak.

Ekitaldi ugari Urretxun, jaien aurreko asteburuan

Urtero bezala, ekitaldi asko egon dira Urretxun jaien aurreko asteburuan. Gernikako Arbola plazan euskal preso politikoen aldeko festa ospatu zuten larunbatean. Eguerdian herri kirol saioa egon zen eta Iñaki Guineak eta Mikel Zabaletak 8.500 kiloko kamioi bana arrastaka eraman zuten. Bi plaza egin zituzten. Zabaleta nagusitu zen, gutxigatik. Ondoren, bazkaria eta erromeria egon ziren. Gauean, bertso saioa egin zuten Labeaga aretoan.

Esparrura igo dira lazkaotarrak

Lazkaotarrek urteroko igoera seinalatua egin zuten atzo, Esparru gainera. Goiz freskoan, herriko plazatik igo ziren. Eguerdian, ikurrinari omenaldia egin zioten gailurrean. Trikitilariek, Ataungo txalapartariek, dantzariek Agurra eginez eta Aitor Sarriegi eta Iker Zubeldia bertsolariek parte hartu zuten ekitaldian. Gero ume jolasak izan ziren, eta jarraian lagunarteko bazkaria, mendira bertara jan-edana, mahaiak eta eserlekauk eramanda.

Iñaki Azurmendi Euskal Herriko Aizkolari Txapelketako finalean izango da

Atzo arratsaldean jokatu zen Aian Euskal Herriko Txapelketako azken kanporaketa, eta Iñaki Azurmendi beasaindarrak finalerako txartela lortu zuen, bosgarren postuan geldituta. Honakoek lortu dute finalera iristea: Aitzol Atutxa (18,32), Floren Nazabal (19,38), Unai Otaño (20,06), Jose Mari Olasagasti (20,11), Iñaki Azurmendi (20,23) eta Joseba Otaegi (20,43). Finala Beasainen jokatuko dute, urriaren 26an, Antzizar kiroldegian.

Bisitari kopurua bikoiztu egin da aurten Goierri garaiko herrietan

Aurten 42.309 bisitari jaso ditu Goierri garaiak urtarrila eta abuztua bitartean. Iazko datuen bikoitza da. Kopuruak Urola Garaiko Garapen Agentziak (Uggasa) eman ditu, «kontuan izan behar da Zumarragako Interpretazio Zentroa aurreko apirilean ireki zutela, eta horrek bisitari kopuruan eragin du». Udari dagokionez, uztaila eta abuztua bitartean 12.909 bisitari izan dira Goierri garaian. Ezkio-Itsasoko Igartubeiti museotik [...]