Atzo amaitu zen D3M eta Askatasuna auziko epaiketa. Hamahiru auzipetuen defentsak eta fiskalak ondorioen txostenak aurkeztu zituzten. Defentsak auzipetu guztien absoluzioa eskatu zuen; Vicente Gonzalez Mota fiskalak, berriz, hamaikarentzako zigor eskaerak jaitsi zituen, eta beste biri eginikoak kendu. Hori hala, «ETAren fronte politiko-instituzionaleko kide» izatea leporatuta, bederatzi urtetik sei urte eta erdira jaitsi die zigor eskaera Arantza Urkaregi, Eli Zubiaga, Iker Rodrigo, Imanol Nieto, Amparo Lasheras, Agurtzane Solabarrieta, Hodei Egaña, Unai Berrostegieta eta Zuriñe Zorrozuari; eta «kolaborazio» delitua leporatuta, zazpi urtetik bostera Jose Antonio Munduateri eta Xabier Isasari. Delitu bera leporatuta auzipetu zituzten Fernando Antia eta Aitor Liguerzana, baina orain auzitik kanpo utzi ditu, eta, beraz, aske geratu dira —Liguerzana preso dago, beste auzi batengatik—.

Informazio gehiago hemen.

Larunbaten ospatuko dute urteurren hau. Seguran, arratsaldeko 18:00etan 40 trikitilari eta pandero-jolek kalejira egingo dute kaskoko kaleetan.

19:10ean, Zegaman, txistulari alardea egingo da, eta 19:30ean Julian Iantzik aurkezturik, emanaldi berezia egingo dute Toberakoek Goierriko beste musika-eskoletako haurrekin batera.

Javier Lopez, Iñaki Dubreuil eta Jose Antonio Rebollo PSE-EEko kideak, gaur.

PSE-EEren Ordiziako exekutiba prentsaren aurrera atera da gaur aurreko astean EAJk eta Bilduk eman zituzten agerraldiei erantzuteko. Udal langileen balorazioaren aplikazioaren inguruan, PSE-EEk adierazi du jeltzaleek izan duten ardurari izkin egin nahi diotela, eta Bilduri, berriz, erantzun dio “gezurrik ez” esateko, PSE-EEk udalean parte hartzen jarraituko duela gaineratzearekin bat. Javier Lopez eta Jose Antonio Rebollo exekutibakideekin batera egin ditu adierazpenok Iñaki Dubreuil zinegotzi sozialistak.

Lehenik eta behin, udal aurrekontuari ezezkoa emateko erabilitako argudioak mahai gainean jarri ditu berriz ere PSE-EEk. EAJk kritika egin zion aurreko astean Bilduk onartutako aurrekontuari, eta Bilduk erantzun egin zien jeltzaleei. Dubreuilek esan du horregatik eman nahi duela bere argudioen berri. Haren esanetan, udal aurrekontuari ezezkoa emateko hainbat argudio dauzka, bere egunean osoko bilkuran azaldutako berberak: ez dagoelako ados tasa eta zergen igoerarekin; ez dizkietelako kontuan hartu bere ekarpenak; atez ateko hondakin bilketa sistemari buruz sentsibilizatzeko diru partida bat dagoelako; krisiari aurre egiteko planik ez dagoelako; eta ikuspuntu “nazionalistarekin” egindako aurrekontua izan zelako.

EAJri, langileen balorazioaz
EAJk udal langileen balorazioaren aplikazioaz esandakoarekin “harrituta” dago PSE-EE. “EAJ alderdi serioa zela uste genuen orain arte, eta bide okerretik doala ikusita harrituta gaude. Ez da egia funtzionarioen soldatak %8,7 igo direnik. Edo hanka sartu dute, edo gaizki azaldu dituzte gauzak”. PSE-EEk EAJri gogorazi dio beraiek agintean zeudela hasi zela langileen balorazioa, eta izan duten ardurari izkin egitea egotzi die jeltzaleei. “PSE-EE eta EA lanpostu jakin batzuen balorazioaren aldekoak ginen, baina EAJ izan zen langile guztiena batera baloratzearen alde egin zuena”.

Dubreuilek esan du balorazio mahaian parte hartu zuten alderdien jarrera “serioa, neurtua eta demokratikoa” izan zela. “Erabaki guztiak eztabaidatuak eta demokratikoki hartuak izan ziren. Gertatzen dena da EAJri ez zaiola emaitza gustatu”. EAJk eta PPk balorazioa aplikatzearen aurka bozkatu zuten bilkura hartan, eta honako datua eman du zinegotzi sozialistak: “PPk ez zuen parte hartu balorazio bilera horietako bakar batean ere. PPk, ezerri buruz enteratu gabe, bere botoarekin EAJri lagundu bazion, ondorio argi bat atera daiteke: langileei dagozkien gaietan berdin-berdinak direla biak”.

PSE-EEren udal parte hartzeaz
Bilduk bai EAJri eta baita PSE-EEri ere joan den astean egotzi zien “oposizio eraikitzailerik” ez dutela egiten, eta ez dutela ekarpenik egiten. “Horren inguruan zein den gure iritzia? Gezurretan ari direla”. Dubreuilek onartu du Bilduk elkarrekin gobernatzeko proposamena egin ziela, eta eskaintza ez zutela onartu. “Ez dago gauza handirik esan beharrik. Ez badute ulertzen PSE-EEk ez duela haiekin gobernatu nahi, arazo handi bat daukate”.

Joan den ekainetik “hainbat ekimen eta ekarpen” egin dituztela esan du Dubreuilek. “Bost mozio sartu ditugu, idatzizko 11 ekarpen eta beste horrenbeste ahoz. Kexak ere sartu ditugu, horietako pare bat idatziz gainera”. Horrez gain, PSE-EEko zinegotziak esan du bere alderdia udaleko egunerokoan parte hartzen ari dela, “bai batzorde informatiboetan, bai aholku batzordeetan, bai osoko bilkuretan eta baita administrazio kontseiluetan ere”. Dubreuilek nabarmendu du “orain arte bezala lanean” jarraituko duela.

Levante B talde indartsua da; datuak ikusi besterik ez dago. Denboraldi borobila egin dute aurten, 3. mailako VI. multzoan, eta bigarren bukatu dute, liderrarekin 92 puntutan berdinduta. Halere, taldetik azaldu dutenez, “ziur gaude Iker Lasaren gizonek, zale guztien babesarekin kanporaketa aurrera aterako dutela”. Horretarako, ordea, igandean Loinatz futbol zelaia bete nahi dute, “denon artean taldea bultzatzeko”.

Tom Parker eta Kesomi Lolotonga.

Hasi dira nobedadeak Ampo Ordizia errugbi taldean. Lehena, behintzat, datorren denboraldian taldean jarraituko ez duten bi jokalariren berri ematea izan da. Klubean lau urtean egon den Tom Parker eta iaz etorritako Kesomi Lolotonga ez dira ariko datorren denboraldian Ordiziako taldean. Klubak eskerrak eman nahi dizkie bi jokalariei urteotan egin duten lanarengatik. Parkerrek Espainiako nazionalitatea ere badu, eta une honetan Espainiako selekzioarekin kontzentratuta dago Moskun Errusiaren aurka jokatzeko datorren larunbatean, hilak 19.

Bestaldea, Ampo Ordiziako hamar jokalari deitu ditu euskal selekzioak Espainiako autonomien arteko txapelketan aritzeko. Joanes Aierbe, Axier Alvarez de Eulate, Xabier Lerma, Imanol Iruarriz, Iñaki Suso, Julen Goia, Iñaki Puyadena, Aitzol Idiakez, Asier Korta eta Iker Elorza dira deitutakoak. Hilaren 19an, 23an, 29an eta 31n, eta ekainaren 5ean eta 7an lan saioak egingo dituzte, eta lehen partida ekainaren 2an jokatuko dute Altamiran Kataluniaren aurka. Hurrengo partida Madrilen jokatuko dute, ekainaren 9an.