Paperekoa

Lierni Elortza • Ordiziako azokako berriemalea Aurten normalean baino beranduxeago bada ere, azkenean baratze lanak egiteko beharrezko parametroek bat egin dute; eguraldi eguzkitsua, lurra berotzen hasia eta hezetasun puntu egokian. Landare saltzaileek goiza lanez lepo pasatu dute. Udaberriko lehen barazkien eskaintza ugaritzen ari da astez aste, eta orain artekoei produktu berriak gehitzen ari zaizkie. Atzo ongi etorri beroa egin zioten berezoek [...]

Langileek eta LAB sindikatuak agerraldia egin zuten atzo enpresaren atarian.Beasaingo Montte enpresak maiatzean zortzi langile kaleratu dituela eta, prentsaurrekoa eskaini du LAB sindikatuak. Enpresak azken hilabeteetan langileekiko izan duen jarrera salatu dute, «langileak behartu, eta horrela, nahi duena lortzen duela» leporatuz. Atzo eguerdian, Beasainen Montte enpresak duen egoitzaren aurrean egin zuten kaleratutako zenbait langilek prentsa [...]

Haur, gazte eta helduentzako hainbat ekintza antolatuko ditu aurten ere Ordiziako Majori kiroldegiak. Hala ere, aurtengoan bada berritasun bat; goiz parteko ekintzarik ez da egingo, eta horren ordez, udalekuak eskainiko ditu 09:00etatik 13:00era. Zaintza, gosari eta bazkari zerbitzua ere emango ditu, ekainaren 25etik uztailaren 20ra. Gaur zabalduko du Majorik udako kanpainan izena emateko epea. Udalekuak [...]

Bai egunerokoan eta baita erosketak egiterakoan ere euskaraz hitz egitea bultzatu nahi du Ordiziako Udalak, eta hori dela eta, Ausartu euskaraz izeneko kanpaina bat abiatu du. Merkatariei zein bezeroei zuzendutako ekimena da, eta Ordiziako saltokietan «euskararen paisaia aberastea eta euskararen erabilera sustatzea» ditu helburu. Kanpaina horren lehen ekimena egin dute dagoeneko. Kanpainan parte hartzen ari [...]

Urretxuko udalak prentsa ohar bitartez jakitera eman duenez, bihar, ostirala udaletxeko ateak itxita egongo dira. Bertako langileek Santa Rita eguna ospatuko dute urtero bezala eta, ondorioz, udaletxeko zerbitzu guztiak itxita egongo dira herritarrentzat egun osoan zehar.

Legazpiko udaleko gazteria sailak antolatuta pista jokoa izango da datorren maiatzaren 26an, larunbatean. Lehen Hezkuntzako azken lau mailetako ikasleek har dezakete parte. Pista jokoa Sorgintxulo aisialdi taldeak zuzenduko du. Izena emateko epea dagoeneko irekita dago, eta horretarako azkeneko eguna hilaren 23a izango da. Ikasleek izena, euren ikastetxean bertan eman dezakete.

Legazpiko Gazteak kirol elkarteak V. Futbol Zazpi Txapelketa antolatu du aurten ere. Ostiraleko zozketaren ostean, egutegia zehaztuta gelditu da. Datorren larunbatean emango diote hasiera txapelketari, eta finala ekainaren 30ean izango da. Aurten 33 taldek eman dute izena, eta 440 bat jokalarik parte hartuko du.

Urrian hasi zituzten entseguak Zumarragako La Salle Legazpi eskolan. DBHko 1go eta 4. mailako ikasleek orduz kanpo egin dituzte, ordutik, antzerki entseguak. Parte hartzea ez da derrigorrezkoa izan; baina gehienek parte hartu dute. Paper handia antzezlana aurkeztuko dute gaur eta bihar, Zelai Arizti aretoan, Zumarragan. Gaurko emanaldiak eskola barruko beste mailetako ikasleei zuzendutakoak dira. Bihar, [...]

Duatloi eta triatloi denboraldiak hasi zirenetik, Urola Plazaola taldeko kirolariek probarik-proba aritu dira Euskal Herriko nahiz kanpoko txapelketetan. Aurreko asteburuan, adibidez, taldeko ordezkariak Bilbon, Deban, Valentzian eta Madrilen izan dira. Goierri garaiko atletak hartzen ditu taldeak. Taldekideak «pozik» daude aurtengo emaitzekin. «Emaitzak baino, taldeko atleten parte hartze zabala estimatzen dugu», diote. Euskal Duatloi Zirkuituko proba [...]

Urretxuko eta Zumarragako Sekundino Esnaola musika eskolak seigarren urtez antolatu ditu udaleku musikalak. Uztailaren 3an hasi eta 13an amaituko dira. Izen-ematea zabaldu dute, eta ekainaren 15era arte irekita egongo da. Musika eskolaren egoitzan egingo dituzte udalekuak, Zumarragako Legazpi dorretxean. Dantza, musika eta antzerkia uztartzeko aukera izango dute ikasleek. Eskolak 09:00etatik 13:15era izango dira. Taldeetan banatuta, [...]