Igandea, 2013-05-19

Gordailua | Kirola Atal honetarako RSS jarioa

Mikel Matxineak irabazi du Segurako gazte mailako txirrindulari lasterketa

By on 2013/05/06 in Bestelakoak, Kirola

Igandean Javier Ormazabalen gazte mailako txirrindulari lasterketa egin zen Seguran. Cartonajes Limousin taldeko Mikel Matxineak irabazi zuen. Txirrindulariek 80 kilometroko ibilbidea osatu zuten.

Herritarrek harrera beroa egin diete Ampo Ordiziako jokalariei

By on 2013/05/06 in Kirola

Santanderren Espainiako Kopa irabazi eta gero, herrira itzultzean harrera beroa egin zieten Ampo Ordiziako jokalariei. Ehunka herritar bildu ziren Frai Andresen estatua paretik plazara bitarteko bidean, jokalariei agurra egiteko. Bidea jendearen txalo eta babes oihuen artean egin zuten jokalariek. Udaletxean, udalaren esker ona ere jaso zuten; Picassoren Gernika koadroan oinarritutako oroigarri bat eta finaleko argazki bat oparitu zizkieten. Ordiziako dantzariek agurra ere egin zieten. Ordiziarrak gera abestuz bukatu zuten ekitaldia.

Ampo Ordizia bigarrengoz txapeldun

By on 2013/05/05 in Kirola


Ampo Ordiziak bigarren urtez jarraian irabazi du Espainiako Kopa, VRAC Quesos Entrepinares taldeari 17-27 irabazita. Atsedenaldira 17-14 aurretik joan dira Valladolidekoak, baina bigarrenean jaun eta jabe izan da Axio Arañak zuzendutako taldea, eta horren erakusgarri da VRAC-ek ez duela punturik lortu bigarren zati osoan.

Bukatu da lehen zatia (17-14)

By on 2013/05/05 in Kirola

Bukatu da lehen zatia Sardineron, Vrac Quesos Entrepinares hiru punturengatik aurretik dela (17-14). Partida oso sendo hasi du Ampo Ordiziak, eta 3. minutuan aurretik jartzeko aukera izan du, baina Krollek huts egin du hagetara. Valladolidekoek, ordea, oso ondo erreakzionatu dute, eta 8 minutuan hiru entsegu sartzeko gai izan da (11, 14 eta 18. minutuan), markagailuan [...]

Hasi da kopako finala

By on 2013/05/05 in Kirola

Hasi da partida. Bi taldeetako zaleak bakoitza zelaiaren alde banatan jarrita, eta oihu eta danbor hots artean beraien taldeak animatzren ari diren bitartean.Lehen minutu hauetan, zelaiaren erdialdean dago baloiaren kontrola hartzeko lehia. Ordiziak zigor kolpe bat izan du alde, baina ez du gauzatzea lortu. Momentuz, hutsean da lehia.

Ampo Ordiziaren zaleak iritsi dira Santanderrera

By on 2013/05/05 in Kirola

Ampo Ordiziaren zaleak iritsi dira dagoeneko Santanderreko (Cantabria, Espainia) El Sardinero zelaira. Autobusak aparkalekuan utzi eta hamaiketakoa egingo dute aurrena, partida hasi aurretik (13:00etan hasiko da). Ehunka lagun etorri dira Ordiziatik finala ikustera; zortzi autobus bete dituzte zaleek, eta beste hainbat autoz ere etorri dira. Zaleak iritsi berriak badira ere, dagoeneko hasi dira Ordiziaren aldeko [...]

Ataunen pilota partidak jokatuko dituzte gaur

By on 2013/05/03 in Kirola, Laburrak

Ataun Avia taldeko pilotariek hiru neurketa dituzte, gaur, Auzoetan, 19:00etatik aurrera. Maite Goikoetxea-Uxue Azkonobieta Intxurrekoen aurka ariko dira; Ander Galparsoro-Endika Apalategi Goierrirekin; eta Beñat Senar-Josu Etxeberria, Arrasaterekin.

Urrezko Aizkolarien saioa larunbatean da Ataunen

By on 2013/05/03 in Kirola, Laburrak

Urrezko Aizkolariak txapelketako kanporaketa bat Ataunen jokatuko da, larunbatean. Antolatzaileek hasieran igandean izango zela esan bazuten ere, aizkora-saioa bihar da, 19:00etan,  San Gregorioko frontoian. Otaegi, Rekondo eta Larrañaga ariko dira, Urrezko Mailan.

Jentilen Bideetatik iraupen luzeko ibilaldia igandean da, Ataunen

By on 2013/05/03 in Gizartea, Kirola

Ataunen urte bakoitiean antolatzen duten iraupen luzeko Jentilen Bideetatik mendi ibilaldia igandean izango da, zazpigarren aldiz. Ataun Kirol Elkarteak prestatu du aurten ere. Igandean 06:30ean abiatuko dira ibiltariak, eta egun osoa igaroko dute, 10-12 ordukoa baita. Udalerriari itzulingurua egingo diote, Auzoeta kiroldegitik (San Martin) abiatu eta bertan bukatu. Izena aurrez emateko zerbitzua webgune batera (www.zirkuitua.com) [...]

Bigarren kopa etxeratzeko gogoz

By on 2013/05/03 in Kirola


Bai ilusio aldetik, eta baita gorputzaldi aldetik ere gogotsu dago Ampo Ordizia Espainiako Kopako finala jokatzeko. Iaz Palentziako La Balastera izan zen goierritarren balentria egi bihurtu zuen zelaia, eta aurten gauza bera errepikatzen saiatuko dira Santanderren, El Sardinero zelaian. Etzi jokatuko da finala, 13:00ean, eta parez pare Valladolideko beste talde bat izango du, VRAC Quesos Entrepinares –iaz Valladolideko El Salvador hartu zuen mendean–. Iaz bezalaxe, aurten ere, ehunka eta ehunka zaleren babesa izango du Ordiziako taldeak harmailetatik bultzaka.