Igandea, 2013-05-19

Gordailua | Festak Atal honetarako RSS jarioa

Mozorroak eta sukaldaritza lehiaketa Loinatz jaietan

By on 2013/05/18 in Festak

Mozorro Eguna ospatzen ari dira gaur beasaindarrak. Kuadrillak eta familiak mozorrotuta atera dira kalera. Gainera, plaza azpian elkarteen arteko sukaldaritza lehiaketa egin dute. Hamar elkartek parte hartu dute. Barazki menestra eta bakailao kokotxak txirlekin kozinatu dituzte. Menestra onena Larrañaga elkartekoek egin dute, kokotxa onenei saria Aitzgorri elkartekoek irabazi dute eta sailkapen nagusia Larrañagakoek irabazi dute. [...]

Eneko Garmendiak irabazi du Gipuzkoako lokotx biltzaile txapela, Legorretan

By on 2013/05/15 in Festak, Gizartea

Legorretan igandean jokatu zen Gipuzkoako lokotx biltze txapelketan Baliarraingo Eneko Garmendiak jantzi zuen txapela, final oso estuan. Segundo bakar baten aldeak ebatzi zuen irabazlearen izena, eta bost segundok podiumeko kirolarien ordena. Garmendiak 6:50 minutu behar izan zituen 50 lokotx biltzeko, 1,25 metroko tarteekin jarriak. Bigarren Gotzon Zulaikak egin zuen (6:51), eta hirugarren Jon Larragañak (6:55). [...]

Giro paregabea Loinatz jaietako asteartean ere

By on 2013/05/14 in Festak


Jende mordoa ibili da gaur ere Beasainen, festetako lehen txanpari amaiera ematen. Umeen sokadantza Loinazko San Martin plazan, artisau postuak Kale Nagusian eta inguruetan, ganadua Bideluze plazan eta bertsolariak oholtza gainean. Eta guztien gainean zeru urdin-urdina.

Kuadrillen eguna ari dira ospatzen gaur Beasainen

By on 2013/05/13 in Festak


Jendetza dabil Beasaingo kaleetan, kuadrilen egunean. Blusak jantzita edo gerrian lotuta dituzte gehienek eta txarangen doinua entzuten da kaleetan. Poteorako giro bikaina dute eta laster joango dira bazkaltzera. Arratsaldeko 17.30ean abiatuko dira kuadrilak Barrendain kaletik hasi eta erdigunera kalejiran.

Azintzio jaiak ari dira ospatzen Legorretan

By on 2013/05/11 in Aisia, Festak, Gizartea, Kultura

Mozorrotuta hasi dute eguna gaur Legorretan. Azintzio jaiak ari dira ospatzen, eta mozorroen eguna da gaurkoa. Gizon Pikua udaletxeko balkoitik begira dutela paella lehiaketa egin dute eguerdian, txakolina dastatuz. Plazan eta pilotalekuan elkartu dira lagun taldeak, batzuk mozorrotuta eta beste batzuk eguneroko itxuran, eta beharrezko osagarriak eskutan, paellak egiten aritu dira. Asteazkenean hasita ari dira [...]

Loinatzetan bete-betean daude beasaindarrak

By on 2013/05/11 in Aisia, Festak, Gizartea, Kultura

Mari heldu da Murumenditik eta festa giroa herriko txoko ugaritan nabari da ia Beasainen. Atzo arratsaldean festen hasierako txupina bota zuten herriko ikastetxeetako ikasleek, eta gauean Mariren etorrerarekin lehertu zen festa. Jende ugari elkartu da erdigunean jai egunen lehen orduetan, bai atzo arratsaldean eta bai gaur ere, haurren danborradaren aitzakian. Buruhandiek eta erraldoiek haurrez inguratuta egin zuten itzulitxoa herrian, eta erraldoiek dantza ere egin dute aurten. Beste berrikuntzetako bat Zanpaldunak joaldunen irteera izan da aurten. Herriko gazte talde batek sortu du joaldun taldea, eta atzo arratsaldean egin zuten lehen saioa beasaindarren aurrean.

Gipuzkoako lokotx biltze eta aizkora saioak igandean Legorretan

By on 2013/05/10 in Festak, Gizartea

Legorretako Azentzio jaien azken egunean, igandean, herri kirol jaialdia izango da, 18:30ean, Harripilan. Gipuzkoako lokotx biltze txapelketa jokatuko da. Unai Alberdi, Eneko Garmendia, Jon Larrañaga, Igor Rey eta Gotzon Zulaika lehiatuko dira. 50 lokotx bildu beharko dituzte, 1,25 metroko tarteekin jarriak. Bestetik, Gipuzkoako 2. mailako aizkora kanporaketan Mikel Larrañaga, Joxe Mari Telletxea, Ugaitz eta Aratz [...]

Altzagaraten erromeria izango da igandean

By on 2013/05/10 in Festak, Gizartea

Altzagarate gainean urtero maiatzean ospatzen den erromeria egingo dute, igandean. 12:30ean meza izango da Andre Mari ermitan, eta 14:00etan herri bazkaria. Egunean zehar Izer eta Alabier trikitilariak eta Xabier Zeberio eta Iker Zubeldia bertsolariak ariko dira.

Gaintzan San Isidro eguna ospatuko dute, ermitan

By on 2013/05/10 in Festak, Gizartea, Laburrak

Gaintzako Udalak San Isidro eguneko ospakizunak antolatu ditu. Asteazkenean, maiatzak 15, lehenengo meza izango da, San Isidro ermitan 20:00etan. Ondoren, Oteñe erretegian herri afaria egingo dute. Afal ondoren Ander Matxain eta Mikel Urdangarin trikitilariak ariko dira. Afarirako izena emateko azken eguna astelehena da.

Ezkiotarrak San Migel festak ospatzen ari dira

By on 2013/05/08 in Festak

Ezkiotarrak San Migel eguna ospatzen ari dira. Eguerdian meza nagusia egon da eta, ondoren, Ezkion bildutakoek hamaiketakoa egin dute ostatuan Laja eta Oria trikitilariekin. Arratsaldean, bertso poteo herrikoia egingo dute. Bertsolariekin batera, trikitilariak arituko dira. Ostiralean, larunbatean eta igandean ere ekitaldiak egongo dira. Hala nahi dutenek, larunbateko herri afarian izena emateko aukera dute oraindik. Horretarako, [...]