Gordailua | Musika Atal honetarako RSS jarioa

Udazken kulturalean antolatu dituzten ekitaldien barruan, 60ko hamarkadan ezagun egin zen talde beterano baten kantaldia izango da larunbat honetan. 1966. urtean sortu zuten Oskarbi taldea; euskal tradizioa, ahots armoniak, jazza eta gospela uztartzen…

Asteburuko euriak eta hotzak ez dute musika geldiarazi, eta ehunka lagun bildu dira Bernedoeneko karpan, Jazpana Fest jaialdiaren laugarren edizioan. Musika eskaintza zabalari eta kontzertuen maila onari esker, urtez urte indartzen ari den jaialdia da Beasaingoa. Aurten antolatzaileak gustura gelditu dira, bai jendearen erantzunarekin, bai taldeek emandako mailarekin. Hurrengo urterako ere, antzeko formulak erabiltzeko asmoa dutela azaldu dute. Kontzertuen inguruko «balorazio ona» egin du antolakuntza taldeko Mikel Alvarezek. «Egin duen eguraldirako jende pila bat etorri da; nik uste iaz baino dezente jende gehiago izan dela. Gelditzen zaigun pena bakarra da zer izango ote zen eguraldiak lagundu izan balu». Aurtengo apusturik garrantzitsuena, Bigott bezalako artista bat ekarri eta iluntzean jartzea izan da; baina «erabaki ona» izan zela ikusi dute, horrekin, «arratsaldeko zazpiretatik goizaldeko bostak arte, jendea etenik gabe karpan egotea» lortu baitute. Gainera, «beste publiko bat, helduagoa» ere erakarri dute horrela. Eta formula hori, «agian datorren urtean ere errepikatu beharrekoa» dela dio. Lisabö, Bigott eta Belako Ostiral gaueko kontzertuetatik, bi izen azpimarratu dituzte antolatzaileek. Bata Lisabö; «ikaragarriak dira; kontzertuaz ere horixe espero genuen eta hala izan zen». Gainontzeko taldeek ere giro ona jarri zuten. «Erroma oso sendo aritu zen, oso ondo. Mutürbeltzek ere berea egin zuen, Rock & Rolla eta oso giro ona jarri zuten; eta No [...]

Hilabetetako prestakuntza lanen ondoren, dagoeneko egun batzuk besterik ez dira falta Jazpana Fest jaialdiko ekitaldiak hasteko. Eta egitaraua aurtengo berrikuntza nagusiarekin, JazpanArt arte erakusketarekin zabalduko dute, igandean. Kontzertuak berriz, datorren asteburuan izango dira, hilaren 26 eta 27an. Tartean, ordea, ekitaldi sorta antolatu dute. JazpanArt arte rural postmodernoaren erakusketa igandean zabalduko dute, 19:00etan, Igartza jauregian. Antolatzaileak gustura daude jasotako lan kopuruarekin; Mikel Alvarezek azaldu duenez, «denera 40 lan aurkeztu dituzte; aukeraketa bat egin dugu, eta lan horiek izango dira ikusgai, ostegunera arte». Erakusketa inauguratzearekin batera, kontzertu berezia egingo dute Beasaingo gaztetxean, 21:00etan, Abstract Artimus AEBtako artistarekin. Kontzertuarekin batera, jatekoa ere izango da gaztetxean. Astean zehar ere ekitaldiak Erakusketaren osagarri moduan, beste ekitaldi batzuk ere egingo dituzte. Asteazkenean, bideo-jockey erakustaldi eta tailerra egingo dute, Igartzan bertan. Segidan, Beasaingo moda diseinatzaile baten arropak erakusteko desfilea egingo dute. Ostegunean berriz, Usoa Fullaondo EHUko Arte Ederren fakultateko irakaslea etorriko da, artearen munduaz hitz egitera. Bestalde, aste osoan zehar, igande honetan hasi eta hurrengora arte, argazki rallya ere egingo dut. Lehiaketa horren inguruko informazioa Jazpanaren webgunean aurki daiteke. JazpanArt erakusketa ostegunera arte egongo da zabalik, eta ostiralean, Jazpana Festek hartuko dio lekukoa. Kontzertuen aurretik ordea, beste bi ekimen egingo dituzte: skate lehiaketa, ostiral arratsaldean, eta 3×3 saskibaloi txapelketa, larunbatean. Bertan [...]

Beasaingo gaztetxeak rock klasikoa egiten duten hiru talde elkartuko ditu taula gainean, larunbat honetan: Balerdi Balerdi, Belarra eta Bye Bye Patxi taldeak, hain zuzen ere. Kontzertua gaueko 22:30etik aurrera izango da.
Balerdi Balerdi, 90eko hamark…