Larunbata, 2013-05-18

Gordailua | Musika Atal honetarako RSS jarioa

Dhuna taldearen kontzertua atzeratu egin dute, Maizpiden

By on 2013/05/13 in Kultura, Musika

Lazkaoko Maizpide euskaltegiak herrian barrena itsatsi dituen karteletan dio gaur gauean izango dela Dhuna talde goierritarraren kontzertua, euskaltegian. Ez da hala. Atzeratu egin dute, oraingoz egun jakinik ipini gabe. Beasaingo festak direla eta, beste egun baterako utzi dute musika emanaldia. Gaur 21:00etan zen hastekoa.

Kantakaren ‘Zarzuela gauerako’ sarrerak salgai

By on 2013/05/10 in Kultura, Lazkaoko laburrak, Musika

Lazkaoko Kantaka abesbatzak maiatzaren 18an Zarzuela gaua egingo du, 20:00etan Areria antzokian. Duela urte batzuk estreinatu zuten musikal hori, zarzuela generoan oinarrituta. Sarrerak honako tokietan eros daitezke: Lazkaon (udaletxea, Gerriko, Orobione, Areria), Ordizia (Barrena), Gabiria (Ostatua), Ormaiztegi (Murua, Erosle), Beasain (udaletxeko harrera bulegoan) eta Seguran (Imaz).

Gabiriako haur abesbatzak estreinaldia egin du

By on 2013/05/02 in Kultura, Musika

Gabiriako Haur Abesbatzak igandean egin zuen jende aurreko lehenengo kantaldia, estreinaldikoa. Azaroan sortu zuten taldea. Udaberri Kulturala egitarauaren barruan, eliza ondoko antzokian aritu ziren. Txindata musika eskolako ikasleek —asko koruan ere badabiltzanak— osatu zuten musika emanaldia. Entzuleek aretoa bete egin zuten, gurasoak eta aitona-amonak gehienak. Ahots eztiz, haurren koruei dagokien samurtasuna barreiatu zuten. Azaroan sortu [...]

Abesbatzak Lertxundiren abestiekin batuta Zegaman

By on 2013/04/27 in Aisia, Musika

Benito Lertxundiren abestiak abestu dituzte gaur arratsaldean Donibane Garazi, Baigorri eta Hendaiako eskola publikoetako haur abesbatzak, Mikeltegi abesbatzak eta Zegamako Orkatz txiki eta Orkatz abesbatzek Zegamako San Martin parrokian, Et Incarnatus orkestrak lagunduta. Arratsaldeko 18:00etarako lepo bete da parrokia eta Migel Zeberioren zuzendaritzapean abestu dituzte haurrek Benito Lertxundiren hamaika abesti ezagun: Urrundik heldu naiz, Baliaren [...]

Lazkao Txiki omenduko dute etzi Lazkaon, hil zeneko 20. urteurrenean

By on 2013/04/19 in Bertsolaritza, Dantza, Gizartea, Kultura, Musika

Apirilaren 3an hogei urte bete ziren Joxe Migel Iztueta Lazkao Txiki hil zela. Pazko astea izanda, urtero data inguru horretan omenaldia antolatzen dietenek aste batzuk atzeratu dute, aurten. Igandean izango da Lazkao Txiki gogoan ekitaldia, 12:30ean, bertsolariaren izena duen Zelaian, haren eskulturan. Oin Arin dantza taldeak, Lazkaotxiki musika eskolak, Goierriko bertso eskolak, Lazkaoko Udalak eta [...]

Euskal soinu tresnen erakusketa Igartzan

By on 2013/04/15 in Dantza, Erakusketak, Musika


Beasaingo Ostadar dantza taldeak Euskal Herriko soinu tresnen erakusketa ireki du gaur. Ostadar dantza taldekoek urtean zehar egiten dituzten ekitaldietan pixkanaka-pixkanaka soinu-tresna ezberdinak txertatuz joan dira. Honekin, dantzari zein ikusleek euskal soinu tresna eta erritmo ezberdinak ezagutzea lortu da. Orain, instrumentu guztiak bildu eta erakusketa antolatu dute Igartza jauregian.

Borja Estankonaren kontzertua Ataunen

By on 2013/04/11 in Kultura, Musika

Borja Estankona musikariak (Arratia, Bizkaia, 1979) kontzertua egingo du, larunbatean, Ataunen. Herri Antzokian da musika saioa, 19:30ean hasita. Sarrera doan da. Ataungo elkarteek elkarlanean antolatu dute, udalaren laguntzarekin. Estankonak bigarren diskoa azaroan atera zuen, Fruitua (Baga Biga). Abeslaria, gitarra jotzailea eta konposatzailea da, literaturan ere aritua.

Kantakaren eta Bergarako Orfeoiaren kontzertua larunbatean Lazkaon

By on 2013/04/10 in Kultura, Musika

Lazkaoko Kantaka abesbatzak Bergarako Orfeoia gonbidatu du, eta bi koruek kantaldi bateratua egingo dute. Larunbatean da kontzertua, 20:00etan hasita, Lazkaoko San Migel elizan. Gero, otamena egingo dute, Maizpi elkartean. Bi taldeek abestuko dute, baina egitarauaren mardulena Bergarako Orfeoiak osatuko du. Mozarten Requiema eta lau euskal pieza (Aunitz urtez, Maite, Saratarra eta Aita Gurea) kantatuko dituzte [...]

Dhuna: Goierriko hiru nesken musika taldea

By on 2013/03/25 in Musika

Emarrock ekimena eta Zuloak dokumentala  direla eta, azkenaldian zeresan handia ari dira ematen emakume musikariak. Goierrin ere badira neskez osatutako musika taldeak. Horietako bat da Dhuna. Talde hori Irati Badiola zegamarrak, Nerea Iztueta gabiriarrak eta Ane Arrieta segurarrak osatzen dute. Hiruak 1988koak dira, eta lagunak aspalditik. Badiola zegamarra da taldeko alma materra. 16 urte inguru zituenean hasi zen lehen kantak sortzen eta bakarlari bezala kontzertu pare bat egin ditu azken urteetan. Iazko udan beste bi neskekin batu eta etxeetan entseguak eginez hasi ziren esperimentatzen, bakoitzak jotzen zekien instrumentuetatik, talderako egokienak aukeratuz. Horrela sortu zuten Dhuna taldea.

Lazkaoko musika ikasleen kontzertua udaletxeko arkupeetan, gaur

By on 2013/03/22 in Kultura, Lazkaoko laburrak, Musika

Lazkao Txiki Musika Eskolak gaur amaituko du ikastetxearen kultur astea. Kontzertu berezia izango da, udaletxeko arkupeetan joko dutelako, kanpoan. 18:00etan hasiko da. Musika tresna eta estilo ugari landuko dituzte saioan, gaur egungo taldeetatik klasikora.