Astelehena, 2013-05-20

Gordailua | Ekitaldiak Atal honetarako RSS jarioa

‘Labur bira’ zirkuituan, euskarazko zortzi film emango dituzte bihar Lazkaon

By on 2013/05/14 in Ikus-entzunezkoak, Kultura

Euskara elkarteen Topagunea erakundeak gorpuztutako film laburren 10. zirkuitua, Labur Bira, Lazkaon izango da bihar, asteazkena (maiatzak 15). Gerriko kultur elkartearekin lankidetzan, euskarazko zortzi film laburren emanaldia prestatu dute. Areria antzokian, 21:00etan hasiko da. Denera ordu eta laurdeneko iraupena izango du zinema saioak, eta bata bestearen atzetik botako dituzte. Sarrera 2 euro da. Lanen artean [...]

Preso ohi baten eta Herriraren hitzaldia, gaur Zaldibian

By on 2013/05/14 in Gizartea, Hitzaldiak, Politika

Zaldibiako Herrira elkarteak, euskal presoen aldeko Plazara ekimena girotzeko, hitzaldia antolatu du, gaurko. Begoña Uzkundu preso ohia eta Nagore Gartzia Herrirako kidea ariko dira solasean. Uzkudun Granadako espetxean preso egon zenean Oskarbi Jauregi zaldibiarrarekin batera egon zen. Preso eta iheslari politikoen egoeraz eta eskubide urraketez jardungo dute, besteak beste. Hitzaldia gaur, asteartea, 19:00etan Karreane kultur [...]

Dhuna taldearen kontzertua atzeratu egin dute, Maizpiden

By on 2013/05/13 in Kultura, Musika

Lazkaoko Maizpide euskaltegiak herrian barrena itsatsi dituen karteletan dio gaur gauean izango dela Dhuna talde goierritarraren kontzertua, euskaltegian. Ez da hala. Atzeratu egin dute, oraingoz egun jakinik ipini gabe. Beasaingo festak direla eta, beste egun baterako utzi dute musika emanaldia. Gaur 21:00etan zen hastekoa.

Kantakaren ‘Zarzuela gauerako’ sarrerak salgai

By on 2013/05/10 in Kultura, Lazkaoko laburrak, Musika

Lazkaoko Kantaka abesbatzak maiatzaren 18an Zarzuela gaua egingo du, 20:00etan Areria antzokian. Duela urte batzuk estreinatu zuten musikal hori, zarzuela generoan oinarrituta. Sarrerak honako tokietan eros daitezke: Lazkaon (udaletxea, Gerriko, Orobione, Areria), Ordizia (Barrena), Gabiria (Ostatua), Ormaiztegi (Murua, Erosle), Beasain (udaletxeko harrera bulegoan) eta Seguran (Imaz).

Almitzak zabaldu du bakarkako sega ligaxkan izena emateko epea

By on 2013/05/10 in Kirolak

Almitza elkarteak bosgarren aldiz Euskal Herriko Bakarkako Sega Ligaxka antolatu du. Maiatzaren 25etik ekainaren 30era jokatuko da, hiru jardunalditan. Izena maiatzaren 20rako eman behar dute segalariek, telefonoz (615 74 34 11) edo posta elektronikoz (almitzasega@gmail.com). Liga Basaburuan (Nafarroa) hasiko da, maiatzaren 25ean, 17:30ean. Ondoren, bigarren saioa Zaldibian da, ekainaren 16an 11:30ean, eta Azpeitian bukatuko da [...]

Orklin ekoitzitako gaien erakusketa Lazkaon jarriko dute gaur

By on 2013/05/07 in Ekonomia, Erakusketak, Gizartea, Lazkaoko laburrak

Lemniskata Goierriko zientzia sareak Ordiziako Orkli kooperatibari eskainitako erakusketa ibiltaria Lazkaon edukiko du, aste honetan. Gaurtik ostiralera, 17:00etatik 19:00etara ikusi ahalko da, kultur etxeko erakusketa aretoan. Orklin ekoitzitako gaiak egongo dira, eguzki plaketatik balbula aukeretara.

Imanol Lazkano eta Laxaro Azkune Lazkaon hizlari, bihar

By on 2013/05/07 in Bertsolaritza, Gizartea, Hitzaldiak, Kultura

Lazkaoko Gerriko kultur elkarteak bertsolaritza munduko bi azpeitiarrekin hitzaldia antolatu du, biharko, 18:30ean, elkartean. Imanol Lazkano eta Laxaro Azkune ariko dira kontu-kontari, batik bat orain gutxi Joan Joxe Eizmendi Loidisaletxe-rekin batera idatzi duten Errezildarren ateraldiak liburua gai hartuta. “Errezildarren ateraldiak ez da liburu normala, ez da errezildarrei soilik interesatzen zaien liburua. Euskara, euskararen erabilera, hizkuntza [...]

Zortzi autobus abiatu dira 08:00etan Ordiziatik Santanderrerantz

By on 2013/05/05 in Kirolak

Ampo Ordiziak eta VRAC Quesos Entrepinaresek Santanderren jokatuko duten Espainiako Koparen finala ikusteko zortzi autobus abiatu dira 08:15 aldera Arboladitik. Zale asko taldearen elastikoa jantzita inguratu dira, eta giro ona sumatzen da jendearen artean. Teknikari eta jokalariak atzo goizean abiatu ziren, eta baita beste ehunka zale ere, askok eta askok asteburu pasa egiteko baliatuko baitute [...]

Santikutz festetan murgilduta dabiltza legazpiarrak

By on 2013/05/04 in Dantza, Festak

Biharko egun handiaren zain, goiz bete-betea izan gute legazpiarrek. Latxartegi parkea festa gune nagusia izan da goizean zehar, bertan egin baita VI. ganadu feria. Legazpiko baserrietako ganadua bertatik bertara ikusteko aukera izan da goiz osoan. Behi, txahal, asto, zaldi eta behor ederrez gozatzeko aukera izan dute legazpiarrek, talo usainaren laguntzaz. Telleriartekoak aritu dira taloak egin [...]

Lazkaomendin pailazo emanaldia tokiz aldatu dute

By on 2013/05/03 in Antzerkia, Bertsolaritza, Festak, Gizartea, Lazkaoko laburrak

Potxin eta Patxin pailazoek Lazkaomendin ikuskizuna egingo dute haurrentzat, bihar, auzoko festen hasieran. Egitarauan esaten duen tokian (eskoletan), ordea, ez dira ariko, Itxurrene tabernaren aurrean baizik. 17:00etan hasiko da ikuskizuna. Igandean, berriz, Xabier Zeberio eta Jexuxmari Irazu ariko dira bertsotan.