Asteazkena, 2014-10-22

Ordiziarrock, kaletik eskenatokira

Rock musika lau haizeetara zabaltzea, hori da Ordiziarrock jaialdiaren helburuetako bat. Eta aurten, inoiz baino gehiago zabaldu dute. Izan ere, larunbat eguerdian hasita, bertako taldeak herrian barrena ibili ziren, kamioia hartuta, auzoz auzo kontzertuak egiten. Gauean berriz, frontoi estalian elkartu ziren musikari eta musika zaleak. Disaster, Fumut, Kashbad eta Willis Drumond taldeek jo zuten; azken horiek izan ziren jende gehien bildu zutenak. Eta denen artean, ikuskizun borobila osatu zuten.

Goierriko Hitzaren urteurrenaz ariko dira bihar Bixibixi irratsaioan

Hamargarren urteurrena ospatuko du larunbatean Goierriko Hitzak, eta horixe izango dute hizpide biharko Bixibixi irratsaioan, Segura Irratian, 12:15etik aurrera. Eskeine Legorburu eta Aloña Landak hitz egingo dute, hedabideko zuzendariak eta kudeatzaileak. Bestalde, Euskara aberasten atalean, Goiztiri AEK euskaltegiko Maider del Olmo izango da gaurko saioan, eta Gasteizen ireki duten euskararen etxearen berri emango du. Elhuyarko [...]

Martxan dago Bele Gazte Gaztelekuaren argazki lehiaketa

Egitarau zabala prestatu du Zegamako Bele Gaztek urritik urte amaiera bitartean. Ia astebururo izango dituzte ekintzak herriko gaztetxoek. Gainera, 2015eko egitaraua osatzeko, argazki lehiaketa antolatu dute. Zegama eta bere txokoak da gaia, eta hamabi eta hemezortzi urte bitartekoek parte har dezakete. Hiru argazki aurkez ditzake bakoizak, azaroaren 8rako. CD batean edo USB memoria batean aurkeztu behar [...]

Arkamo eta Urduña mendizerretara irteera

Goierri kirol elkarteko mendi sailak Arkamo eta Urduña mendizerretara irteera antolatu du igande honetarako. Krutzeta, Peña Colorada eta Repico tontorretara igoko dira eta Repico kobazuloa eta Nerbioi ibaiaren arroila eta ur jauzia bisitatuko dituzte. Autobusa 07:00etan irtengo da. Izena emateko elkartearen egoitzara jo behar da, bihar edo ostiralean. Bazkideek 12 euro ordaindu behar dute eta bazkide ez direnek 15 euro.

Igandean hasiko da Udazkeneko Musika Zikloa

Igandean hasiko da Urretxuko Udazkeneko Musika Zikloa, Arrasateko Txorbela otxotearen kontzertuarekin. Azaroaren 2an AEBtako Portland State University-ko abesbatzak abestuko du eta azaroaren 9an Urretxu eta Zumarragako Goiargi abesbatzak. Kontzertu guztiak San Martin de Tours elizan izango dira, 19:00etan.

Cava Festa egingo dute Zegaman ostiralean eta larunbatean

Lehenengo aldiz egingo dute Cava Festa Zegaman, eta San Sadurniko zortzi cava probatzeko aukera izango da. Senidetuta daude Zegama eta Kataluiniako San Sadurni herria, eta harreman horretatik etorri da Cava Festa egiteko ideia. Ostiralean eta larunbatean izango da, 19:00etatik 01:00etara, frontoian. Cava dastatzeko, aurrez kristalezko kopa erosi beharko da, bi euroan. Gero, kopetan banatuko dute [...]

Erresonantzia magnetikoak egiteko gailuaren instalazioari ekin diote

Zumarragako Ospitalean ari dira erresonantzia magnetikoak egiteko unitate iraunkorra ipintzeko lanetan. Urriaren 6an hasi ziren eta bi hilabete eta erdiko epean lanak amaitu nahi dituzte. Aurrekontuan 800.000 eurokoa da. Orain arte, unitate mugikor bat egon da ospitaleko kanpo-kontsulten alboan; zerbitzu hau Arrasateko Ospitalearekin txandakatu du Zumarragakoak, kamioiak astebete Debagoienan eta beste astebete Goierrin egiten zuelako.

Hezkidetza egitasmoa lantzen jarraituko dute Ordiziako ikastetxeetan

Gizarte parekideagoa eraikitze bidean, jarraipena emango diote Ordizian hezkidetza egitasmoari. Iazko ikasturtean hasi ziren herriko ikastetxeekin batera egitasmoa lantzen, eta emakumeen eta gizonen berdintasun ikuspegia zabaltzen lagundu duela ikusi dute. Joan zen ostiralean aurkeztu zuten udaletxeko pleno aretoan programa honen bigarren ikasturtea Edurne Gutierrez berdintasun zinegotziak, Kristina Altuna berdintasun teknikariak eta Ana Elosegi Harremanak enpresako [...]

Peru, Otsoa eta Tubby The Tuba

Andoni Salamero poeta ipuin bat kontatzen hasi da, Peru eta otsoaren ipuina. Ahotsarekin ari da, baina eskuekin eta imintziorekin ere laguntzen da. Salamerok Zumarragako Musika Bandako musikariak bidelagun izango ditu igandean Zelai Arizti aretoko taula gainean. Guztien artean, bi ipuin musikatu kontatuko dizkiete haurrei. Tubby The Tuba ipuinaren musika George Kleisingerrek idatzi zuen eta testuak Paul Tripp-ek. Peru eta Otsoa lanean Sergei Prokofiev-ek sortu zuen musika eta testuak egokitu.

Elosegiren idiak garbi zeudela eman du analisiak

Roman Elosegi idizale zaldibiarraren probako idiei egindako analisiek ez dute inongo sustantzia debekaturen aztarrenik atera, idizaleak berak gaur goizean jakinarazi duenez. Idiak garbi zeudela adierazi du, beraz, emaitzak. Elosegik berak eskatuta egin du analisia Santanderreko albaitari batek. Urriaren 7an, Andrakako (Lemoiz, Bizkaia) deman, epaileak gerarazi egin zituen idiak, ximaur «gehiegi» egiten ari zirela eta zerbait [...]

Gizonezko bat atxilotu dute, autoan emakume bat erasotzeagatik

Ertzaintzak 57 urte gizonezko bat atxilotu zuen, igande gauean, Ormaiztegin. Errepidean autoz zihoazen, eta aldamenean zuen emakumezkoari eraso egin zion, ukabilkadak joz. Genero indarkeria delitua leporatu diote, baita bide segurtasunaren aurkako delitu bat ere, autoa errepide bazterrean utzi zuelako. Gertakaria igandean 20:30ean izan zen, Olaberrian. N-1 autobidetik Gi-632 autobiderako hartunean, Frantziako matrikuladun autoa bide ertzean [...]

Lekaio kultur elkartearen Perretxiko Asteburuan 180 ezpezie erakutsi dituzte

Larunbatean eta igandean perretxiko asteburua egin dute Urretxuko Areizaga plazan. Eguraldi ona lagun, jende askok parte hartu du ekitaldietan. 180 espezie jarri dituzte ikusgai eta perretxikoak jateko aukera ere egon da. Ekitaldi hau Lekaio kultur elkarteak antolatzen du, Urretxuko Udalaren, Kabia jatetxearen eta Kutxabanken laguntzarekin. Helburua mikologia zaletasuna bultzatzea eta ezjakintasunak sortzen dituen arazoekin bukatzea da.

‘No es país para sosos’ telebista saioa Legazpin grabatuko dute asteazkenean

ETB2ko No es país para sosos telebista saioa Legazpin grabatuko dute asteazkenean. Arratsaldean iritsiko dira herrira. Ekipoa plazan muntatuko dute eta ondoren, 17:00etatik 18:30era, programa grabatuko dute herriko kaleetan.