Asteartea, 2014-09-02

Zegamarren eta segurarren arteko herri kirol desafioa

Zegamako San Bartolome jaien barruan, “herrian ez daudenekin oroituz”, Elkartasun Eguna egin zuten, joan den ostiralean. Herri kirol saioa, elkarretaratzea eta herri afaria egin zituzten. Ikusmin handiena sortu zuen ekitaldia, zegamarren eta segurarren arteko desafioa izan zen. Jende ugari bildu zen udaletxeko plazaren bueltan, herri kirol saioa ikusteko. Neskaz eta mutilez osatutako herri bakoitzeko taldeek, aizkoran, harri jasotzen, oskolak biltzen, trontzan, korrika eta txingatan jardun zuten, proba bakoitzeko lau itzuli eginez. Bukaeran zegamarrak izan ziren nagusi, 23:40ko denbora eginda; segurarrek 2:50 gehiago behar izan zuten.

TAOa martxan da Beasainen. Laster aldaketak egiten hasiko dira

Abuztuko geldialdiaren ostean, gaurtik martxan da berriro TAO sistema. Aurrez bezala, orain ere 09:00etatik 13:00etara eta 16:30etik 20:00etara bitartean egongo da TAOa, eta larunbatetan, 09:00etatik 13:00etara. Ekainaren 19an egin zen Beasaingo udaleko udalbatzan TAOaren zenbait aldaketa onartu ziren Bildu, PSE-EE/PSOE eta Aralarren onespenarekin. Aldaketa hauek onartzeko erreklamazio epea bihar amaitzen da. Gero, Gipuzkoako Aldizkari Ofizialean [...]

ArcelorMittaleko langileen ordezkariak eta zuzendaritza bilduko dira arratsaldean

Gaur 16:00etan bilera egingo dute ArcelorMittaleko Zumarragako plantako langile batzordeko kideek eta multinazionalaren ordezkariek. Langileen ordezkariek esan dutenez bilerara “entzutera” doaz. Aurreko astean lantegia aldi baterako itxiko dutela jakinarazi zien zuzendaritzak, hala ere, jakinarazpen hori ukatu gabe multinazionaleko iturriek ez dute itxiera hitza erabili eta egoera txarra dela onartuta ere, lantegia ez ixteko ahaleginetan ari direla esan dute.

Brinkolarrek San Agustin jaiak ospatu dituzte

Brinkolarrek San Agustin jaiak ospatu dituzte asteburu honetan. Eguraldi ona lagun, festak arrakastatsuak izan dira. Festa batzordeko kideek “oso giro ona” egon dela aipatu dute. Festak ostegunean hasi ziren, mezarekin eta jubilatuen bazkariarekin. 27 lagunek parte hartu zuten. Bazkalostean, Miren Deba eta Ander Ibarguren trikitilariek jo zuten. Ostiralean, txokolate jana, txupinazoa eta auzo afaria egon [...]

Herri baratzeen erabilera erakusteko festa egingo dute Legorretan, bigarren urtez

Legorretan hiru-bat urte badira udalak herri baratzeak hartzeko eta lantzeko aukera eman ziela herritarrei. Sustraitu da zerbitzu horren erabilera, eta iaz hasitako bideari jarraituz, aurten ere festatxo bat egingo dute, iraileko bigarren asteburuan, herri baratzeak nola dauden, zer barazki ateratzen dituzten eta zer funtzio betetzen duten erakusteko. Barazki Festa antolatzeko, bihar bilera antolatu du udalak. [...]

Cho Oyura doan Goierriko espedizioa Kathmandun da jada

Dagoeneko Cho Oyura bidean da Pedro Garcia ordiziarrak eta Oier Plazaola eta Xabier Urrate urretxuarrek osatzen duten espedizioa. Herenegun iritsi ziren Kathmandura, baina bisatuak direla eta, hiru egun galdu eta irteera atzeratu behar izan dute, euren blogean azaltzen dutenez. Garciarentzat eta Plazaolarentzat ez da lehen zortzimilakoa izango, baina bai Urraterentzat. Hirurak ere ilusioz gainezka iritsi [...]

Jose Danielek irabazi du XXXIII. Beasain Proba

Pasa den larunbatean jokatu zen Beasain Proba Jose Daniel txirrindulariak irabazi zuen, helmugara Miguel Angel Ballesteros eta Jaume Suredaren aurretik sartuz. Izena emanda zeuden 197 txirrindularietatik 117k lortu zuten helmugara iristea, eta hiru txirrindulari Zumarragako ospitalera ere eraman behar izan zituzten. 117,5 kilometroko ibilbidea osatu behar izan zuten txirrindulariek Nafarroa etorbidean hasi eta leku berean [...]

Lurrak taldetik pasatako dantzariak bildu nahi ditu 50. urteurrenean

Urretxuko Lurra Dantza Taldeak, hurrengo urteko irailean 50 urte beteko ditu. Hori dela eta, hainbat ekitaldi antolatzen ari gara urteurrena ospatzeko. Baina horretarako, hainbeste urteetan Lurratik pasa diren dantzarien eta musikarien laguntza ezinbestekoa da. Ekitaldi ezberdinen artean, 50 urte horietan Lurran parte hartu dutenen eta oraindik parte hartzen ari direnen dantza jaialdi bat antolatzen ari gara. Ez du garrantzirik zein garaitan parte hartu duzun, ez eta dantzan aritutako denbora

ArcelorMittalek Zumarragako lantegia itxiko du, aldi baterako

ArcelorMittal metalgintza arloko multinazionalak Zumarragako lantegia aldi baterako itxiko duela jakinarazi dio langile batzordeari. Itxiera behin behinekoa izango dela esan duen arren, enpresak ez du inolako eperik zehaztu. Zumarragako Arcelor lantegiaren –lehen Orbegozo zena– zuzendaritzak herenegun eman zion erabakiaren berri langile batzordeari. Itxiera irailaren bukaeran edo urriaren hasieran gauzatuko da. Eraikuntzan erabiltzeko altzairuzko hariak ekoizten dituzte bertan, besteak beste.

Aldata Goena lorategian sartu ziren lapurrak atxilotu ditu Guardia Zibilak

Guardia Zibilak   industria-nabeetan, bulegoetan zein etxebizitzetan lapurretak egiten zituen talde bateko sei lagunak atxilotu ditu Huelvan (Andaluzian). Granadan, Sevillan, Cordoban, Malagan, Almerian, Huelvan eta Gipuzkoan 25 lapurreta egin dituztela uste du poliziak; tartean, Segurako Aldata Goena lorategikoa. Taldea oso arriskutsua dela iritzita,  gaizkileak neutralizatzeko Guardia Zibilaren talde bereziak hartu du parte atxiloketan. Normalean, gauez egiten [...]

Bi gerriko beltz lortu dituzte Goierrin

Uztailaren 18an, 19an eta 20an Beasaingo Antzizar kiroldegian kenpoko azterketak egin zituzten Shorinji Kenpo eskolako kideek. Goierri osoko 60 lagun inguruk parte hartu zuten eta horietatik bik gerriko beltza lortu zuten. Beasain, Lazkao, Ordizia, Idiazabal eta Zumarragan egiten dituzte kenpoko ikastaroak eta irailetik aurrera, berriro martxan hasiko dira. Beasainen kasuan, udalarekin duten akordioarekin jarraituko dute.

Abuztuaren 4an Legazpiko Aizkorri kaleko obren bigarren fasea hasiko da

Abuztuaren 4an hasiko da Legazpiko Aizkorri kaleko obren bigarren fasea. Udalak kalea altuera berean jarriko du, argiteria berrituko du eta oinezkoek eta bizikletek lehentasuna edukiko dute. Obrak hiru fase izango ditu eta lauzpabost hilabetetan bukatzea espero dute. Bigarren fase honek ere trafikoan eragina izango du. Horra hor aparkatzeko eta zirkulatzeko mugak. Aizkorri kaleko obrak, 2. [...]