Asteazkena, 2014-07-30

Kalakan taldeak bideoa grabatuko du Antioko Musikaldiaren baitan

Kalakan Ipar Euskal Herriko musika hirukoteak Antioko 31. Musikaldian joko du. Kontzertua bere lagun talde gisa izendatu duenarekin egingo du: Kalakan&Friends. Irailaren 13an, taldearen ikuskizuna grabatuko du Zumarragako ermitan, eta handik ateratako materiala hurrengo single-a munduan barrena aurkezteko erabiliko dute. Horrenbestez, Antioko baseliza ezagutzera emango dute nazioartean.

Gaixo dauden presoen egoera salatzeko manifestazioa deitu dute abuztuaren 9rako

Preso gaixoak kalera lemapean manifestazioa egingo dute abuztuaren 9an, Donostian. Gaixo dauden presoen eskubideen aldeko hainbat plataformak deitu dute manifestaziora. Besteak beste,  “salbuespenezko espetxe politikak” presoentzat “zorigaiztoko ondorioak” dakartzala salatu dute, baita haien senideentzat ere. Horrekin batera, larriki gaixo dauden pertsonen giza eskubideak errespetatzea galdegin dute. Protesta 17:00etan abiatuko da, Bulebarretik. Egoera horretan dago, besteak [...]

Berri honekin lotuta:

Line-k “abizen euskaldunak” ditu

Line bapateko mezularitza zerbitzuak Ocho apellidos vascos filmean oinarritutako 40 sticker edo marrazki sortu ditu. Filmea DVD formatoan kaleratu dutela aprobetxatuz, promozio moduan egindako kanpaina da. Sticker horietan, pelikulako lau pertsonaia nagusiak ageri dira, eta filmeko hainbat esaldi erabiltzen dituzte, tartean, baita euskarazko batzuk ere. Honekin, “euskara omendu” nahi izan dutela azaldu dute Lineko ordezkariek; [...]

Uiduiko txabola aurrean mahai berria jarri dute

Enirio-Aralar Mankomunitateko Uiduiko txabolaren aurrean mahai berria dago, aurreko asteaz geroztik. Felix Arruabarrena eta Juan Garmendia zaldibiarrek egin dute, eta lagun artean eraman zuten aurreko ostegunean. Hamalau lagunentzat tokia du, eta txabolaren itxituraren barruan dagoen arren, erabilera publikoa du. «Lehen txabola barrurako egin genituen mahaiak. Kanpoan ere behar zela, eta biok egin dugu. Jarri eta [...]

Igor Esnaolak irabazi du nazioarteko erako Euskal Herriko sega liga

Gipuzkoako txapelketa ofiziala eta herrialdeko azkartasuneko lehiaketa irabazi ondoren, Igor Esnola segalari legorretarrak irabazi du hirugarren txapela ere. Almitzak antolatu duen Euskal Herriko VI. Sega Ligan onena izan da, hiru jardunalditatik bitan —Zaldibian eta herenegun Azpeitian—, eta nagusitasun osoz irabazi du. Azpeitiko Ikasberri ikastolako belardian jokatu zen 3. eta azken saioa, igandean. Gizonezkoen artean, bakoitzak [...]

Harreraren zozketa

Urretxuko eta Zumarragako Harrera elkarteak San Joan eta Santa Isabel jaietan saldutako txartelen zozketa egin du Antion, eta Ina Odriozola zumarragarrari egokitu zaio lehenengo saria –argazkian Antion saria jasotzen–. Bigarren zenbaki sarituaren jabea ez da orain artean agertu. Bigarren zenbaki saritua 55.133 da eta ordezkoa 53.799. Abuztuaren 15era arte irekita egongo da saria jasotzeko epea 680 16 30 19 telefonora deituta.

Ertzain etxeak ixteko erabakiaren harira, ertzainek protesta egin dute

Beasaingo eta Zumarragako Ertzain etxeak ixteko erabakiaren harira, gaur goizeko 10:00etan elkarretaratzeak egin dituzte bi herrietako ertzain etxeen aurreetan, ELA, SiPE eta EUSPELek deituta.  Ondoren, bi herrietako kideak eta sindikatuetakoak, Beasaingo kaleetan manifestatu dira, karabanan, autoetan klaxona joaz kaleak gurutzatuz.  Autoetako kristaletan “Inposaketarik ez! Negoziazioaren alde! ¡Tenemos que pararles!” hitzak zituzten kartelak zituzten itsatsita.

Goizeko Euskal Jaia behi-aziendei buruzkoa izango da

Urretxuko Santa Anastasia jaien antolaketa lanak aurrera doaz. Hirugarren bileraren ondoren, hip-hop jaialdi bat egongo dela eta goizeko Euskal Jaia behi-aziendei buruz izango dela jakinarazi dute. Hurrengo bilera irailean egingo dute. Hirugarren bileran Euskal Jaiari buruz hitz egin zuten batez ere, baina eragile ezberdinen arteko koordinazioaz ere mintzatu ziren.

Aurredenboraldia hondartzan eta Reala Brekin lehiatuz hasi dute Beasain K.E.koek

Beasain K.E.k uztailaren 18an hasi zuen aurredenboraldia, eta denbora tarte horretan ez dira lo egon. Ohiko entrenamenduez gain, bi zita berezi izan dituzte aste hauetan: Real Sociedad B taldearen aurkako partida eta Donostiara txangoa. Pasa den ostiral goizean jokatu zuten Real Sociedad B taldearen aurkako partida.

Idiazabal eta Ataungo gazteek Arantzamendiko erromesaldia berreskuratu dute

Euren aitona-amonek egiten zuten moduan, Arantzamendira erromesaldia egin dute Idiazabalgo eta Ataungo gazteek. Bi herrietako gazte asanbladek elkarlanean antolatu dute egun horretarako egitaraua. Besteak beste, Luix artzainari omenaldi xume bat egin zioten Arantzamendin, eta bertso hunkigarri hau abestu zioten. Informazio guztia, bihar, Goierriko Hitzan.

«Aurrera egitea lortu duten enpresak, bezeroarengandik hurbil egon izan dira»

Jose Manuel Orcasitas Irizar Taldeko zuzendari nagusia da 2010. urtetik, eta 125. urteurrenaren harira, Irizarren bilakaeraz aritu da. Era berean, Irizarrek etorkizunera begira planteatu dituen estrategien berri ere eman du. 1963an Irizar sozietate anonimo izatetik kooperatiba izatera pasa zen. Zerk bultzatuta eman zuten pauso hori? Nire aburuz, Arrasaten 50. hamarkadan piztu zen kooperatiben fenomenoak eragin nabarmena izan zuen.

Pax etxea botatzen gaur hasiko dira, Lazkaon

Lazkaoko Hiribarren kaleko 2. zenbakian dagoen Pax etxea gaur botako dute. Hondeamakina bazkalondoan da hastekoa eraisketa lanean. Lau solairuko etxea deusezten egun batzuk beharko dituzte, eta aste honetan jarraituko dute. Haren tokian etxebizitzak eraikiko dituzte. Atari oso bat kokatuko dute Paxek utzitako orubean. Euskalgintzarekin lotutako etxea izan da Pax, Lazkaon. 1965ean ikastolak hartu zuen lehenengo [...]